Greinasafn

Þó að botnvörpuveiðar á úthafinu skipti okkur Íslendinga litlu máli kemur ekki til greina að eiga nokkuð undir Grænfriðungum hvorki í þessu máli né öðrum.  Markmið þeirra er að banna togveiðar alfarið hvort sem er á úthafinu eða í lögsögum ríkja. Það er hin raunverulega ógn sem stafar af málinu. Á síðasta ári veiddum við 365 þúsund tonn af fiski og skeldýrum í dregin veiðarfæri. Verðmæti þessa afla nam rúmlega tveimur þriðju hlutum af aflaverðmæti botnlægra tegunda.

Skoðun Friðriks J. Arngrímssonar, framkvæmdastjóra LÍÚ, í Fiskifréttum 1.12.2006  

Um langt árabil hefur ítrekað komið upp sú umræða að þorskurinn hafi ekki nóga fæðu og að til þess að auka fæðu handa hverjum og einum þorski þurfi að fækka þorskunum með veiðum.  Með þessu móti megi fá meiri afla úr þorskstofninum.  Að mínu mati er þessi umræða á villigötum og byggir á of miklum einföldunum.

Skoðun Kristjáns Þórarinssonar, stofnvistfræðings LÍÚ, í Fiskifréttum 11.08.2006

Ekki dettur útgerðinni í hug að fara í Fréttablaðið og biðja um að birt verði frétt um að Afl hafi reynt að svíkja nokkrar krónur út úr útgerðinni.  Þetta mál er einfaldlega til umfjöllunar og nú er beðið eftir nýrri útlistun á meintum kröfum frá Afli.  Í framhaldi af því verður leitað leiða til að leysa málið og sem betur fer eru flest mál milli sjómanna og útvegsmanna leyst með samningum.

Skoðun Friðriks J. Arngrímssonar í Fiskifréttum 21.07.2006  

Það er afar mikilvægt að gera skýran greinarmun á aflamarkskerfinu, sem er aðferð til að hámarka afrakstur þess sem ákveðið er að veiða, og vísindunum sem að ákvörðun um hámarksafla byggist á. Þetta ritar  Vilhjálmur Jens Árnason, aðstoðarframkvæmdastjóra LÍÚ, í grein sem birtist í Morgunblaðinu 4. júlí 2006. 

"Gunnlaugur Ármann Finnbogason formaður félags eigenda svokallaðra smábáta á norðanverðum Vestfjörðum ritar einstaklega rætna grein í garð Hjartar Gíslasonar blaðamanns vegna breytinga á svokölluðum slægingarstuðli í Morgunblaðið laugardaginn 8. apríl 2006.  Greinin er ekki einungis áhugaverð fyrir það að vera full af rangfærslum heldur ekki síður fyrir það hvernig hún opinberar vinnubrögð fyrirsvarsmanna hinna svokölluðu smábátamanna í garð þeirra sem fjalla á málefnalegan hátt um efni sem þeim eru ekki að skapi."

Þetta segir Friðrik J. Arngrímsson, framkvæmdastjóri LÍÚ í grein í Morgunblaðinu 10. apríl, en greinin er svar við grein sem Gunnlaugur Ármann Finnbogason skrifaði í blaðið 8.apríl.

Mikil þensla einkennir nú íslenskt efnahagslíf. Ástæða þess er öðru fremur mikil bjartsýni í þjóðfélaginu sem birtist í kaupgleði og  gríðarlegum framkvæmdum. Við nánast hvern einasta blett á höfuðborgarsvæðinu má sjá heilan skóg af byggingakrönum til marks um þá gríðarlegu fjárfestingu sem er í húsnæði. Svo eru stóriðjuframkvæmdir og álversbyggingar í áður óþekktum stærðarskala sem enn auka á þensluna. Á síðasta ári voru fluttar inn um 25 þúsund bifreiðar til að nefna annað dæmi meira og minna fyrir erlent lánsfé.

Þetta segir í grein Sveins Hjartar Hjartarsonar, hagfræðings LÍÚ, en greinin birtist í Morgunblaðinu 1 apríl sl.

"Hin frægu orð Galileo Galilei Hún snýst nú samt komu í huga mér þegar ég las Staksteina Morgunblaðsins 11. mars sl.  Þar veittist blaðið að Valgerði Sverrisdóttur iðnaðar- og viðskiptaráðherra á afar smekklausan hátt."

Þetta segir Friðrik J. Arngrimsson framkvæmdastjóri LÍÚ í grein sem birtist í Fréttablaðinu í mars 2006.

Þingræðið er einn af hornsteinum stjórnskipunar okkar. Þó í því felist að meirihluti þingsins ráði för er ekki þar með sagt að starf minnihlutans geti ekki verið mikilvægt. Það á sérstaklega við í því að veita meirihlutanum aðhald. Þingmenn stjórnarandstöðunnar beita ýmsum ráðum í því efni og til að vekja á sér athygli. Eitt þeirra úrræða sem þingmenn hafa samkvæmt lögum um þingsköp Alþingis er að leita upplýsinga frá ráðherrum með því að beina fyrirspurnum til þeirra. Þetta er mikið gert, sérstaklega af þingmönnun stjórnarandstöðunnar. Sem dæmi má nefna að á haustþinginu sem nú stendur yfir hafa þingmenn beint 205 fyrirspurnum til ráðherra.  Þar af eru 183 fyrirspurnir frá þingmönnum stjórnarandstöðunnar og 22 frá stjórnarþingmönnum.