Greinasafn

Það er kunnara en frá þurfi að segja að rækjuútgerð okkar Íslendinga hefur átt í vök að verjast um nokkurra ára skeið. Því valda ýmis ytri atvik s.s. lækkun á afurðaverði, hátt gengi íslensku krónunnar, minnkandi veiði, hækkun á olíuverði, mikil samkeppni m.a. frá Kanada og Grænlandi þar sem veiði hefur stóraukist og aukið framboð af eldisrækju. Viðvarandi tap hefur verið á útgerðinni og nú er svo komið að útgerð flestra rækjuskipa hefur verið hætt a.m.k. tímabundið. Ekki eru mörg ár síðan við áttum fríðan flota rækjufrystiskipa en nú er einungis eitt slíkt skip gert út.

Kristinn Gestsson skipstjóri skrifaði grein í Morgunblaðið þann 8. september sl. undir heitinu LÍÚ það er ræs. Það er ánægjulegt að sjá að Kristinn trúir því ekki frekar en við, að það þurfi að koma til verkfalls sjómanna, sem óhjákvæmilega mun einnig hafa það í för með sér að útvegsmenn boði til verkbanns. Það er ljóst að slíkt mun skaða bæði sjómenn og útvegsmenn. Afkoma fyrirtækjanna mun versna og sérstaklega mun orðspor okkar á mörkuðum úti í heimi þar sem við eigum í harðri baráttu við aðrar fiskveiðiþjóðir bíða hnekki. Við höfum t.a.m. getað boðið stöðugt framboð á ferskum fiski og þannig byggt upp markaðssambönd sem hafa skilað hæsta verði. Verði rof í afhendingu hefur það afleiðingar sem kemur niður á báðum aðilum sem erfitt verður að vinna upp.

Hólmgeir Jónsson framkvæmdastjóri SSÍ skrifaði grein í Fiskifréttir þann 4. júní s.l. undir fyrirsögninni LÍÚ býður bara kjaraskerðingu. Eins og fram kemur í greininni hefur Ríkissáttasemjari frestað viðræðufundum aðila fram í ágúst.  Ástæða þess er sú að það mikið ber á milli aðila að ekki var talið að frekari fundir á þessum tíma væru líklegir til að skila árangri. Báðir aðilar voru sammála þessu mati ríkissáttasemjara.. Málin hafa verið rædd í þaula, lagt mat á einstakar kröfur og farið yfir ýmsar útfærslur án þess að samkomulag hafi náðst.  Því miður hafa ákveðnir aðilar í forystusveit sjómanna hafa kosið að rangfæra hlutina og m.a. sakað samninganefnd LÍÚ um áhugaleysi um að ná kjarasamningum. Hátíðadagur sjómanna var sérstaklega notaður í þessu skyni og umrædd grein er eitt dæmið um þetta.  Ég mun ekki elta ólar við rógburð sem þennan þó það sé vissulega illt að ákveðnir aðilar telji sérfræðikunnáttu sinni best varið í það að níða skóinn af viðsemjendum sínum.