Landssamband �slenskra �tvegsmanna

Vinnum saman að lausn

Sat, 19 May 2012 09:30:00 GMT

Landssamband íslenskra útvegsmanna skorar á stjórnvöld að draga sjávarútvegsfrumvörpin til baka og hvetur þau til að leggja grunn að samráðsvettvangi svo skapa megi sátt um deilur um stjórn fiskveiða. Áskorunin birtist í auglýsingum í dagblöðunum í morgun.

Hamingjuóskir

Wed, 16 May 2012 11:36:03 GMT

�að var hátíð í Vestmannaeyjum í gær þegar Heimaey VE-1, nýtt og glæsilegt skip Ísfélags Vestmannaeyja, sigldi til heimahafnar að viðstöddu fjölmenni. Skipið er allt hið glæsilegasta og er með besta búnaði sem völ er á bæði hvað varðar orkunýtingu og meðferð aflans. Landssamband íslenskra útvegsmanna óskar starfsmönnum Ísfélags Vestmannaeyja sem og landsmönnum öllum til hamingju með glæsilegt skip.

Kjaraviðræður útvegsmanna og sjómanna teknar upp að nýju

Fri, 11 May 2012 16:57:28 GMT

Kjarasamningar LÍÚ og samtaka sjómanna hafa verið lausir frá því í janúar 2011. Frá þeim tíma hafa aðilar tvisvar sinnum samið sérstaklega um hækkun á kauptryggingu og kaupliðum í samræmi við launahækkanir á almennum vinnumarkaði.

"Þetta á ekki að vera styrjöld"

Fri, 11 May 2012 09:53:51 GMT

�Þetta á ekki að vera styrjöld í mínum huga, við eigum að reyna að ná málefnalega góðri niðurstöðu." Þetta voru lokaorð Steingríms J. Sigfússonar sjávarútvegsráðherra í opnuviðtali í Fréttablaðinu 4. maí sl. Í stað þess að fjalla faglega um nýjustu úttekt á frumvörpum sjávarútvegsráðherrans og ríkisstjórnarinnar um stjórn fiskveiða og veiðigjöld, sem nú kom frá sérfræðinefnd sem atvinnuveganefnd Alþingis fékk til verksins, var ráðherranum strokið með silkihönskum af fréttamanninum. Tilefnið til að spyrja ráðherrann gagnrýnna spurninga var þó ærið. Nýjasta álitið bættist í safn fjölmargra faglegra úttekta á frumvörpunum sem hafa dæmt þau ónothæf.

Skynsamlegast að setja frumvörpin um sjávarútvegsmál á ís

Thu, 10 May 2012 16:20:53 GMT

�Ég tel farsælast að þingmenn taki sér rýmri tíma til að fara yfir frumvörpin, enda vara nánast allir mjög ákveðið við hrikalegum afleiðingum þeirra," segir Halldór Halldórsson fyrrverandi bæjarstjóri Ísafjarðarbæjar í samtali við bb.is um frumvörp ríkisstjórnarinnar í sjávarútvegsmálum.„Sjávarútvegurinn er burðarás atvinnulífsins víðast hvar á landsbyggðinni og því verður að vanda vel til verka þegar stórvægilegar breytingar eru boðaðar. Í stað þess að keyra málið áfram á lokaspretti þinghaldsins, hlýtur að vera skynsamlegast að fara gaumgæfilega yfir allar umsagnir í sumar og afgreiða ný lög næsta haust. Það er allt of mikið í húfi, umsagnirnar tala sínu máli."

„Hvað höfum við gert ykkur?"

Wed, 9 May 2012 12:21:53 GMT

Fullt var út úr dyrum í Nesskóla í Neskaupsstað í gærkvöld á fundi um sjávarútvegs- og samgöngumál í fjórðungnum. Sjávarútvegsráðherra var meðal framsögumanna á fundinum og var hann harðlega gagnrýndur af fundargestum vegna frumvarpanna sem nú liggja fyrir Alþingi. „Hvað höfum við gert ykkur?" spurði Kristinn V. Jóhannsson, fyrrverandi forystumaður í bæjarstjórn á Neskaupsstað fyrir Alþýðubandalagið og frammámaður í atvinnurekstri á Norfirði, Orðum sínum beindi hann að ríkisstjórninni og var hann að vísa til þeirrar aðfarar sem felast í sjávarútvegsfrumvörpunum.

Sammála Steingrími

Fri, 4 May 2012 15:09:53 GMT

�Ég er alveg sammála Steingrími um að þetta eigi ekki að vera styrjöld. En þá hlýtur hann að vilja draga frumvörpin til baka og setjast niður með þeim sem best þekkja til í greininni til að reyna að leysa málið. Það er það sem ítrekað hefur verið óskað eftir, án árangurs," segir Adolf Guðmundsson formaður Landssambands íslenskra útvegsmanna um viðtal við Steingrím J. Sigfússon sem birtist í Fréttablaðinu í morgun undir yfirskriftinni „Þetta á ekki að vera styrjöld."

Tap Landsbankans þurkar út nettó skatttekjur ríkissjóðs af frumvörpunum

Wed, 2 May 2012 15:30:04 GMT

� Vegvísi Landsbankans varðandi breytingar á lögum um stjórn fiskveiða og veiðigjöld segir:

�Áætlað tap Landsbankans, sem er að mestu í eigu ríkisins, vegna breytinga í frumvörpunum nemur um 31 milljarði króna. Setja má það tap í samhengi við þær skatttekjur sem frumvarpinu er ætlað að skapa. Í frumvarpinu um veiðigjöld kemur fram að áætlaðar skatttekjur á árinum 2012 - 2014 eru 36,3 milljarðar..... Nettó áhrifin á ríkissjóð á næstu þremur árum yrðu því jákvæð um 5 milljarða ef einungis er tekið tillit til taps Landsbankans. Vænt tap vegna frumvarpanna er einungis metið útfrá beinu tapi vegna minni greiðslugetu íslenskra sjávarútvegsfyrirtækja en tekur ekki tillit til þess áfalls sem að ýmis önnur fyrirtæki og starfsemi, hvers tekjustreymi er háð gengi íslensk sjávarútvegs, verður fyrir. Vænt tap Landsbankans verði frumvörpin óbreytt að lögum kann því að verða nokkuð meira."

Greiðsluþrot Snæfellsbæjar verði frumvörpin samþykkt

Thu, 26 Apr 2012 14:08:48 GMT

Bæjarstjórn Snæfellsbæjar fékk endurskoðunarfyrirtækið Deloitte til að skoða afleiðingar frumvarpsins fyrir Snæfellsbæ. Þar kom í ljós að fyrirtækin í bænum myndu greiða 817 milljónir króna á ári, en árið 2010 var gjaldið 154 milljónir. Árið 2010 var útsvar Snæfellsbæjar 625 milljónir. Miðað við íbúatölu í Snæfellsbæ yrði veiðigjaldið 473 þúsund krónur á hvern íbúa. Tapaðar útsvarsetkjur myndu svo þýða greiðsluþrot Snæfellsbæjar á skömmum tíma að því er fram kemur í Skessuhorni.

537 sjómenn mótmæla frumvörpum sjávarútvegsráðherra

Thu, 26 Apr 2012 09:57:39 GMT

537 sjómenn hafa skrifað undir mótmæli gegn frumvörpum um breytingu á fiskveiðistjórnunarkerfinu. Í tilkynningu frá þeim segir að þeir mótmæli þeirri grímulausu aðför að kjörum sínum sem við blasir í þeim frumvörpum sem fram eru komin um breytingar á stjórn fiskveiða.

�ar segir orðrétt: „Við sem stöndum að þessari yfirlýsingu skorum á alþingismenn að taka ábyrga afstöðu með tilliti til þeirra hörmulegu afleiðinga sem frumvörpin kæmu til með að hafa á afkomu sjómannastéttarinnar og þar með þjóðfélagsins í heild. Framtíðin er í húfi."