Fréttir

Fjölmiðlar hafa síðustu daga greint frá því að ríkisstjórnin ætli sér að lækka veiðigjaldið svo ljúka megi þingstörfum. Þegar betur er að gáð er umrædd lækkun alls engin lækkun, heldur um það bil þreföldun veiðigjalda miðað við nýjustu hugmyndir.

Fjölmiðlar hafa gagrnýnislaust tekið upp þessa orðanotkun stjórnarliða. Þessu mætti líkja við ef talað  yrði um hækkun á framlögum til Landsspítala Háskólasjúkrahúss ef hætti væri við niðurskurð upp á milljarð en þess í stað ákveðið að skera niður um hálfan milljarð.

Staðreyndin er sú að útgerðin greiðir í dag um 4,5 milljarða króna í veiðigjald, sem nemur um fjórðungi af hagnaði útgerðarinnar, auk tekjuskatts. Hugmyndir um að leggja 13-15 milljarða veiðigjald á veiðar og vinnslu er því augljóslega ekki „lækkun" veiðigjalds heldur margföldun þess.