Fréttir

Heimild til notkunar íslensks upprunamerkis fyrir framleiðsluvörur sínar var breska fiskvinnslufyrirtækinu Flatfish „algjörlega nauðsynlegt"  að sögn Peter Stokes, fjármálastjóra þess. Flatfish sér m.a. hinni kröfuhörðu verslanakeðju Waitrose fyrir afurðum úr skarkola og þykkvalúru af  Íslandsmiðum.

Sjávarútvegsráðherra Noregs, Lisbeth Berg-Hansen, hefur lýst vonbrigðum sínum yfir því sem nefnt er „skortur á samningsvilja Evrópusasmbandsins" í viðræðum við Norðmenn um gagnkvæmar veiðiheimildir á næsta ári. Fundi þessara aðila var slitið á þriðjudag án þess að niðurstaða næðist í helstu viðfangsefnunum sem fyrir samninganefndunum lágu.

Á fundi Úrskurðarnefndar sjómanna og útvegsmanna var ákveðið að hækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 5%. Þá var ákveðið að hækka verð á slægðri og óslægðri ýsu um 10%. Verð á karfa var hækkað um 5%. Verð þetta gildir frá og með deginum í dag, 1. desember 2009.

Allar samþykktir 70. aðalfundar Landssambands íslenskra útvegsmanna, sem fór fram í Reykjavík dagana 29. og 30. október sl., er nú hægt að nálgast á einum stað með því að smella hér.

Á fundi Úrskurðarnefndar sjómanna og útvegsmanna var ákveðið að hækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 15%. Þá var ákveðið að hækka verð á slægðri og óslægðri ýsu um 15%. Verð á karfa var hækkað um 10%. Verð þetta gildir frá og með deginum í dag, 2. nóvember 2009.

Árni Bergmann Pétursson, hugvitsmaður og forstjóri Rafs ehf. á Akureyri, hlaut í dag Umhverfisverðlaun LÍÚ 2009 fyrir fyrir rannsóknar- og þróunarvinnu við svokallaða rafbjögunarsíu. Jón Bjarnason, sjávarútvegs- og landbúnaðarráðherra, afhenti Árna verðlaunin á aðalfundi LÍÚ í dag.

Ákvörðun um makrílveiðar íslenskra skipa á árinu 2010 verður tekin einhliða af íslenskum stjórnvöldum. Í fréttatilkynningu sjávarútvegs- og landbúnaðarráðuneytisins í morgun segir m.a.: „Sjávarútvegs- og landbúnaðarráðherra, Jón Bjarnason, tiltekur að þá verði augljóslega litið til veiðanna undanfarin ár og jafnframt til vaxandi útbreiðslu makríls innan íslensku efnahagslögsögunnar." Fréttatilkynningin fer hér í heild:

„Árni Páll Árnason félagsmálaráðherra fór afar niðrandi orðum um tvær mikilvægar atvinnugreinar í ræðu sinni á ársfundi ASÍ," segir Friðrik J. Arngrímsson, framkvæmdastjóri LÍÚ.

„Orð ráðherrans eru honum ekki einungis til minnkunar vegna þess hroka sem hann sýndi þeim sem vinna við þessar atvinnugreinar. Þau eru einnig vanvirða við það góða fólk sem mátti sitja undir ræðu hans. Hæstvirtur ráðherrann virðist telja að þeir sem sækja ársfund ASÍ falli fyrir innantómum frösum og upphrópunum lýðskrumarans.

Mér finnst ráðherra, sem hefur orðið sér til slíkrar raðminnkunar, best lýst í þekktu lagi Þursaflokksins, sem má spila hér," segir Friðrik.

Framkvæmdastjórn Evrópusambandsins tilkynnti í gær að hún gerði ráð fyrir því að  þorskveiðiheimildir í Norðursjó yrðu auknar á næsta ári þrátt fyrir að að augljóst væri að tilraunir til þess að vernda Norðursjávarþorskinn hefðu mistekist. 

Formaður hagsmunasamtaka danskra útvegsmanna og sjómanna, Svein-Erik Andersen hjá Danmarks Fiskeriforening, óttast að endanlega sé verið að drekkja dönskum sjávarútvegi í reglugerðarfargani Evrópusambandsins. „Framkvæmdastjórnin undir forystu Svía ætlar að leiða yfir okkur óframkvæmanlega löggjöf," segir Andersen í fréttatilkynningu sem samtökin sendu frá sér í dag.

Á fundi Úrskurðarnefndar sjómanna og útvegsmanna var ákveðið að hækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 15%. Jafnframt var ákveðið að hækka verð á slægðri og óslægðri ýsu um 15%. Þá var verð á karfa hækkað um 10%. Verð þetta gildir frá og með deginum í dag, 6. október 2009.

Norskir útgerðarmenn, sem gengið hafa hart fram í gagnrýni sinni á makrílveiðar Íslendinga innan íslensku efnahagslögsögunnar, eru afar ósáttir við þá ákvörðun ESB að vísa um 30 norskum skipum út af afmörkuðu veiðisvæði undan Hjaltlandseyjum, þar sem þau voru að makrílveiðum fyrir helgina.

Útvegsmannafélag Vestfjarða skorar á stjórnvöld að falla þegar frá hugmyndum um fyrningu aflaheimilda. Þetta kemur fram í ályktun sem samþykkt var á aðalfundi félagsins í dag. Þá lýsir félagið áhyggjum sínum vegna skerðingar á þorskkvóta og skorar á stjórnvöld að breyta aflareglu í þorski til fyrra horfs. Jafnframt bendir félagið á í ályktuninni að niðurskurður á heildaraflamarki bolfisktegunda á fiskveiðiárinu svari til meðalársafla 100 vertíðarbáta. Ályktunin hljóðar þannig í heild:

„Það sýnir best tilgangsleysi strandveiðanna í sumar að veitt voru 554 leyfi til þess að veiða um 4.000 tonn af fiski. Fiskiskipum í aflamarks- og krókaaflamarkskerfinu hefur hins vegar fækkað um 574 sl. fimm ár. Markmið þeirrar fækkunar er hagræðing til að treysta rekstrargrundvöll útgerða og auka arðsemi þeirra,“ segir Friðrik J. Arngrímsson, framkvæmdastjóri LÍÚ.

Íslenskum fiskiskipum fækkaði um 574 á árunum 2004 – 2009 eða um 44,7% samkvæmt samantekt LÍÚ, byggðri á gögnum Fiskistofu. Alls voru skráð fiskiskip 1283 talsins fiskveiðiárið 2004/2005 en þeim hafði fækkað niður í 709 fiskveiðiárið 2008/2009.

Sjávarútvegur getur gegnt lykilhlutverki við endurreisn atvinnulífs á Íslandi, svo fremi stjórnvöld hætti við áform um fyrningarleið og innköllun veiðiheimilda. Þetta kom fram í ræðu Arnars Sigurmundssonar, formanns Samtaka fiskvinnslustöðva, á aðalfundi þeirra sl. föstudag.

Norskir útvegsmenn hafa farið þess á leit við norsku hafrannsóknastofnunina, Havforskningsinstituttet, að hún kanni áhrif þess á lífríkið í norska hluta Barentshafsins ef stærð undirmálsýsu yrði miðuð við 42 sm í stað þeirra 44 sm nú er. Beiðnin er byggð á veiðireynslu Norðmanna í Barentshafi á síðustu árum.

Mikið hefur verið fjallað um heimsókn hagfræðingsins og nóbelsverðlaunahafans Josephs Stiglitz hingað til lands undanfarna daga.  Það fór ekki milli mála að þann mikla fjölda gesta sem hlustaði á hann í fyrirlestrarsal Háskóla Íslands í Öskju í síðustu viku hungraði eftir leiðsögn hans ef marka má þá athygli og undirtektir sem málflutningur hans vakti.

Ráðgjafi í sjávarútvegsmálum hjá Einingarsamtökum Afríku ásakar Evrópusambandið um hroka í samskiptum við Afríkuþjóðir og rányrkju á fiskimiðum þeirra. Þetta kemur fram í viðtali við Nancy Gitonga frá Kenýa við danska blaðið Arbejderen í dag. Yfirskrift viðtalsins er „Þeir stela fiskinum okkar.“

Samanlagt tap tólf stærstu þorskeldisfyrirtækja Noregs nam 525 milljónum norskra króna á síðasta ári eða sem svarar til ríflega 10 milljarða íslenskra króna. Þetta er mun verri afkoma en árið áður en þá nam tap sömu fyrirtækja rúmlega 4 milljörðum íslenskra króna.

Ísland var í 16. sæti listans yfir aflahæstu fiskveiðiþjóðir heims árið 2006 með heildarafla upp á 1,35 milljónir tonna. Kínverjar bera ægishjálm yfir aðrar fiskveiðiþjóðir hvað aflamagn varðar. Heildarafli þeirra árið 2006 var 17,4 milljónir tonna. Næstir á eftir þeim koma Perúmenn með 7 milljónir tonna.

Eigandi „Fish‘n‘Chips“ veitingastaðar í Kidderminster í Worcestershire í Englandi hefur verið dæmdur til að greiða sekt sem svarar til 675.000 íslenskra króna fyrir að selja viðskiptavinum sínum eldisfiskinn pangasius sem þorsk. Þetta er annað tilvikið af þessum toga sem upp kemur í umræddri borg.

Heildarafli íslenskra skipa nam 112.550 tonnum í ágúst, sem er rúmlega 20% minna í tonnum talið en kom á land í sama mánuði á síðasta ári. Aflinn var þá 142.123 tonn. Metinn á föstu verði var aflinn 11,9% minni í ágúst í ár en í fyrra.

Mikið hefur mælst af  loðnu, þorski og ýsu í Barentshafinu í rannsóknum norsku hafrannsóknastofnunarinnar, Havforskningsinstituttet, sem hófust snemma í ágúst og standa yfir þar til í októberlok. Þá er útkoma seiðamælinga athyglisverð, m.a. hvað síld áhrærir.

„Svo virðist sem íslensk stjórnvöld vilji skipta um stefnu og afnema kvótakerfið. Það væri það heimskasta sem þau gætu gert. Það felst enginn ávinningur í að gera út fleiri báta en þörf er fyrir,“ segir Rögnvaldur Hannesson, prófessor í fiskihagfræði við Verslunarháskóla Noregs í Björgvin, í viðtali í nýjasta tölublaði Northern Fisheries, sem gefið er út af Norræna ráðherraráðinu.

Á fundi Úrskurðarnefndar sjómanna og útvegsmanna var ákveðið að hækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 5%. Ákveðið var einnig að hækka verð á karfa um 10%. Verð þetta gildir frá og með deginum í dag, 7. september 2009.

„Það skýtur óneitanlega skökku við í upphafi nýs fiskveiðiárs, að á sama tíma og aflamark og krókaaflamark í ýsu er skert um 33,3% á milli ára er línuívilnun í ýsu aukin um 31%. Nú eru 2100 tonn í línuívilnunarpottinum en voru 1600 á síðasta fiskveiðiári. Þetta er sérkennileg aðferðafræði en í anda þeirra mismununar sem viðgengst í fiskveiðistjórninni.  Það er ekki sama Jón eða séra Jón, þar sem sumir þurfa að kaupa veiðiheimildir en aðrir ekki," segir Friðrik J. Arngrímsson, framkvæmdastjóri LÍÚ.

Norðmenn hafa að undanförnu gagnrýnt makrílveiðar okkar Íslendinga og m.a. haldið því fram að um ólögmætar veiðar sé að ræða.  Mikil umfjöllun hefur verið um málið í norska sjávarútvegsblaðinu Fiskeribladet Fiskaren. Af þessu tilefni sendi Friðrik J. Arngrímsson, framkvæmdastjóri LÍÚ, blaðinu grein til birtingar í síðasta mánuði þar sem sýnt er fram á að makrílveiðar okkar eru löglegar.

Sóknarmarkskerfið sem notað er við stjórnun fiskveiða í Færeyjum hefur ekki skilað þeim árangri sem til var ætlast. Sú mynd sem við blasir í dag er offjárfesting, slæm afkoma sjávarútvegsins og bágt ástand mikilvægra fiskistofna, einkum þorsks þar sem veiðin hefur hrunið á síðustu árum. Færeyingar eiga mikið undir sjávarútvegi enda um 95% útflutningstekna þeirra af sjávarafurðum.

Þeir gripu tækifærið höndum tveim vinirnir Dagur Freyr Sævarsson og Ingólfur Ásgrímsson þegar þeim bauðst að fara í síldveiðitúr með Ásgrími Halldórssyni SF 250 rétt fyrir upphaf skólaársins. 

Kvótakerfi með framseljanlegum aflaheimildum er samnefnari þeirra framfara sem orðið hafa í fiskveiðum og stjórnun þeirra, sagði dr. Ragnar Árnason, prófessor í fiskihagfræði við Hagfræðideild Háskóla Íslands, m.a. í erindi sínu á ráðstefnu um skilvirka fiskveiðistjórnun sem lauk í Reykjavík fyrir helgina.

Mikil óvissa um fyrirkomulag aflaheimilda er eitt þeirra atriða sem framkvæmdastjóri 3X Technology á Ísafirði vísar til í fréttum sem ástæðu fyrir uppsögnum níu starfsmanna fyrirtækisins sl. föstudag. Þar með hefur um fjórðungi starfsmanna 3X verið sagt upp það sem af er ári. Framkvæmdastjóri 3X Technology lýsti í vor áhyggjum sínum yfir afleiðingum fyrningarhugmynda stjórnvalda.

Það kostar bæði fé og fyrirhöfn að þróa og innleiða fyrirkomulag á borð við það sem við tókum upp, en við teljum árangur okkar athyglisverðan. Það má ekki vanmeta þann tíma sem það tekur að ná árangri. Þetta gerist ekki á einni nóttu, sagði Stan Crothers, fyrrum starfsmaður sjávarútvegsráðuneytis Nýja Sjálands, á ráðstefnu um skilvirka fiskveiðistjórnun sem nú stendur yfir í Reykjavík.

Sjávarútvegs- og landbúnaðarráðherra gaf í dag út nýja reglugerð, sem heimilar að hlutfall makríls sem meðafla megi vera allt að 20% af heildarafla hvers skips úr norsk-íslenska síldarstofninum fyrir tímabilið 9. júlí til 30. september. Heimilt er að flytja meðaflaheimild á milli skipa.

Kvótakerfi  með framseljanlegum aflaheimildum er lykillinn að árangursríkri fiskveiðistjórnun. Við upptöku þess fyrirkomulags við stjórnun fiskveiða fyrir rúmum áratug urðu alger umskipti til hins betra í útgerð í Bresku Kolumbíu í Kanada. Sjávarútvegur í fylkinu var þá nánast kominn í þrot.

Í grein í skoska dagblaðinu The Inverness Courier segir að Ísland eigi framundan nýtt þorskastríð, sem að þessu sinni verði háð í fundarsölum í Brussel en ekki á hafi úti. Skoskir sjómenn og útgerðarmenn, sem lengi hafa haft horn í síðu fiskveiðistefnu Evrópusambandsins, ætla að fylgjast grannt með því hvernig Íslendingum reiðir af í aðildarviðræðum við ESB um sjávarútvegsmál.

Heildarafli íslenskra skipa nam 160.152 tonnum í júlí, sem er um 4,3% meira en kom á land í sama mánuði á síðasta ári. Aflinn var þá 153.463 tonn.  Metinn á föstu verði var aflinn 1,5% minni í júlí í ár en í fyrra. Fyrstu fimm mánuði ársins nam aflaverðmæti íslenskra skipa hins vegar um 42 milljörðum króna, sem er 4,2% aukning frá síðasta ári.

Ekki er enn ljóst hvort Íslandi verður meinuð þátttaka í fundum hinna strandríkjanna um stjórnun veiða úr makrílstofninum fyrir árið 2010. Þar til þau viðurkenna Ísland sem fullgildan aðila að stjórn veiðanna og réttmæta hlutdeild okkar munum við stunda lögmætar makrílveiðar á okkar forsendum, segir Friðrik J. Arngrímsson, framkvæmdastjóri LÍÚ, í niðurlagi greinar sem birtist í Fiskifréttum í dag.

Öll sú norsk-íslenska síld sem landað var í júlí veiddist innan íslensku lögsögunnar. Þetta er einsdæmi á þessum árstíma að því er kemur fram á vef Fiskistofu, sem heldur utan um alla tölfræði veiðanna. Heildaraflinn í júlí nam 62.953 tonnum.

Skilvirk fiskveiðistjórnun er yfirskrift tveggja daga ráðstefnu í fiskihagfræði sem Hagfræðistofnun Háskóla Íslands skipuleggur f.h. sjávarútvegs- og landbúnaðarráðuneytisins. Ráðstefnan fer fram í Öskju, Háskóla Íslands dagana 27. og 28. ágúst nk.

Heildarafli íslenskra skipa nam 127.595 tonnum í júní, sem er ríflega tvöfalt það aflamagn sem kom á land í sama mánuði á síðasta ári er aflinn var 61.028 tonn. Mestu munar um stórauknar uppsjávarveiðar og þar vegur makríll þyngst. Metinn á föstu verði var aflinn 55% meiri í júní í ár en í fyrra. Það sem af er ári hefur heildarafli hins vegar aukist um 10,2% frá árinu 2008 á föstu verði.

Íslensk skip hafa veitt rúmlega 90 þúsund tonn af makríl innan íslensku lögsögunnar í júní og júlí. Makríls hefur orðið vart í miklu magni víða umhverfis landið, nú síðast langt norður af Melrakkasléttu, þar sem íslensk skip hafa verið á veiðum á Norsk-íslenskri síld. 

Ný flugvél Landhelgisgæslunnar, TF-SIF, kom til landsins í gær og var komu hennar fagnað með viðhöfn. Með tilkomu TF-SIF verður umbylting í möguleikum Landhelgisgæslunnar í leit á sjó og á landi þar sem tæknibúnaður vélarinnar nemur umhverfið með hætti sem ekki hefur áður verið til staðar hér á landi.

Telja menn virkilega að þeir muni láta það viðgangast að Íslendingar verði stikkfrí gagnvart sameiginlegri fiskveiðistefnu ESB ef til inngöngu kemur? Ja, mikil er trú þeirra manna þó ekki væri nema með vísan til nýfenginnar reynslu okkar af  samningum við  Breta í öðru og óskyldu máli Icesave.  Þannig hljóðar niðurlag greinar Sveins Hjartar Hjartarsonar, hagfræðings LÍÚ, sem birtist í Fiskifréttum sl. fimmtudag.

Yfirgnæfandi hlutfall aflaheimilda er á landsbyggðinni, þ.e. utan Reykjavíkur- og Suðvesturkjördæma. Þetta kemur fram í svari Jóns Bjarnasonar, sjávarútvegs- og landbúnaðarráðherra, við fyrirspurn forvera hans, Einars K. Guðfinnssonar, á Alþingi. Þessar upplýsingar undirstrika að landsbyggðin verður harðast úti verði svokallaðar fyrningarhugmyndir stjórnvalda í sjávarútvegi að veruleika.

Í bókun sinni þann 11. júní sl. lýsir Bæjarstjórn Hornafjarðar yfir miklum áhyggjum vegna þeirra óvissu sem kominn er upp í rekstri fyrirtækja í sjávarútvegi á Hornfirði. Í bókuninni segir að nú þegar hefur ákvörðun ríkisstjórnarinnar um að fara svokallaða fyrningarleið á úthlutuðum kvóta valdið fyrirtækjum skaða og sett rekstur þeirra í uppnám. Auk sjávarútvegsfyrirtækja hefur þetta mikil áhrif á nýsköpun og þau fyrirtæki sem hafa atvinnu af þjónustu við sjávarútveginn.

Strandveiðar munu ekki styrkja byggð eða treysta atvinnu í sjávarbyggðum, þær hafa þveröfug áhrif. Fyrirtæki þurfa hráefni allt árið um kring, en þessar strandveiðar geta ekki stuðlað að öruggum eða arðbærum rekstri þar sem skammtímasjónarmið ráða. Við þetta má bæta að gæðum hráefnis verður í einhverjum tilfellum ábótavant og þá er rangt að beina veiðinni á sumartímann og á grunnslóðina þar sem smærri fiskur heldur sig.

Um 60 manns sóttu ráðstefnu um ábyrgar fiskveiðar Íslendinga í sendiráði Íslands í London í gær. Flestir ráðstefnugesta voru fulltrúar fiskkaupenda í Bretlandi og hagsmunaaðilar í breskum sjávarútvegi. Jón Bjarnason, sjávarútvegs- og landbúnaðarráðherra, ávarpaði ráðstefnuna.

Allt í kringum okkur í nálægum löndum keppast stjórnvöld við,  með öllum tiltækum ráðum, að standa vörð um lykilatvinnuvegi þjóðanna. Íslensk stjórnvöld virðast telja það mesta óþarfa. Nú skal greiða sjávarútveginum náðarhöggið. Veiðiheimildir fyrndar, með öðrum orðum teknar af fyrirtækjunum og þeim síðan endurúthlutað að geðþótta stjórnmálamanna. Þannig fórust Hirti Gíslasyni, formanni Útvegsmannafélags Reykjavíkur, m.a. orð í ræðu á Sjómannadaginn.

Mikilvægt er að tryggja að kvótaúthlutun feli í sér langtíma stöðugleika í samningum. Nauðsynlegt er einnig að vinna að því að ná samkomulagi um þá fáu stofna, þar sem skipting aflaheimilda hefur ekki farið fram. Þetta var á meðal þess sem kom fram á 14. fundi sjávarútvegsráðherra við Norður-Atlantshafið á árlegum fundi þeirra í síðustu viku. Fundurinn fór fram í Kaliningrad í Rússlandi

Eyrún Ingibjörg Sigþórsdóttir, oddviti Tálknafjarðarhrepps, fór hörðum orðum um fyrirhugaða fyrningarleið stjórnvalda, í ræðu sem hún flutti á á málþingi um auðlindastýringu og fyrningarleið í Vestmannaeyjum fyrir helgina. Ekkert í boðaðri stefnu bendir til að arðsemi greinarinnar aukist eða hagur starfsmanna og sjávarbyggða vænkist.

Elías Jónatansson, bæjarstjóri í Bolungarvík, segir fyrningarleiðina firru og hún þýði einfaldlega fyrningu landsbyggðarinnar. Hún er ekki leiðin til að leiðrétta það sem betur má fara í kvótakerfinu. Á kvótakerfinu þarf vissulega að gera lagfæringar sem tryggja að heilu byggðarlögin sem byggja á sjávarútvegi standi ekki uppi án aflaheimilda einn daginn. Til þess verða menn þó að finna aðrar leiðir.

Friðrik J. Arngrímsson, framkvæmdastjóri LÍÚ, segir tillögur í veiðiráðgjöf Hafrannsóknastofnunarinnar sem kynntar voru í gær, lægri en menn hefðu viljað sjá. Okkar mat er að engin áhætta væri tekin með því að veiða 160 þúsund tonn af þorski á næsta fiskveiðiári, segir Friðrik en stofnunin leggur til veiðar á 150 þúsundum tonn af þorski. Það er 26 þúsund tonnum meira en lagt var til fyrir ári þegar ráðgjöfin hljóðaði upp á 124 þúsund tonn.

Það er alger nauðsyn að sjávarútvegur fái að búa við stöðugleika í pólitísku umhverfi, nógu mikill er óstöðugleikinn sem búa verður við hvað varðar gengisskráningu, stærð fiskistofna, veðurfar, að ekki sé talað um þá hörðu samkeppni sem atvinnugreinin býr við á markaði með vörur sínar, þar sem oft er keppt við ríkisstyrktan sjávarútveg annarra þjóða.

Í þau þúsund ár sem við Eyjamenn og fleiri höfum lifað á fiskveiðum og vinnslu hefur aldrei ríkt eins mikil óvissa um framtíð atvinnulífs okkar. Aldrei hefur deilan um nýtingu sjávarauðlindarinnar og sjávarútvegins verið eins mikil og núna, sagði Elliði Vignisson, bæjarstjóri í Vestmannaeyjum, í upphafi ræðu sinnar á málþingi um auðlindastýringu og fyrningarleið í Vestmannaeyjum í gær.

Eiríkur Tómasson, framkvæmdastjóri Þorbjarnar hf. í Grindavík og varaformaður LÍÚ, skoraði í dag á stjórnvöld að gerast raunverulegir sáttasemjarar í deilum um fyrningaráform í sjávarútvegi. Sjávarútvegsfyrirtæki og sveitarfélög um land allt  hafa lýst andstöðu sinni við hugmyndir stjórnvalda.

Atli Gíslason, þingmaður VG og formaður sjávarútvegsnefndar Alþingis, sagði í ræðu á málþingi um auðlindastýringu og fyrningarleið í Vestmannaeyjum í dag, að innköllunarleið aflaheimilda yrði ekki farin ef  sýnt yrði að hún myndi skaða atvinnulíf og byggð í landinu.

Fimm ríki Evrópusambandsins Portúgal, Spánn, Ítalía, Frakkland og Litháen  eru andvíg því að gerðar verði breytingar á reglunni um svokallaðan hlutfallslegan stöðugleika. Þetta kemur fram í nýlegri fundargerð Poul Oma sem sem starfar fyrir fastanefnd Norðmanna fyrir ESB.

Á fundi Úrskurðarnefndar sjómanna og útvegsmanna var ákveðið að hækka verð á slægðri og óslægðri ýsu, sem ráðstafað er til eigin vinnslu eða seld til skyldra aðila, um 10%. Ákveðið var að hækka verð á karfa um 10%. Verð þetta gildir frá og með 1. júní 2009.

Ekkert er mikilvægara en að skapa stöðugleika þegar efnahagslífið er rústir einar og sjávarútvegurinn sú grunnstoð sem þjóðin byggir framtíðina á. Svo segir í ályktun Vesturbyggðar, sem hefur nú bæst í hóp þeirra fjölmörgu sveitarfélaga sem hafa ályktað gegn fyrningaráformum stjórnvalda í sjávarútvegi.

Sveinn Hjörtur Hjartarson, hagfræðingur LÍÚ, segir í grein í Morgunblaðinu í gær að Aðalsteinn Baldursson, verkalýðsforkólfur á Húsavík, fari með rangt mál í um launaþróun hjá fiskvinnslufólki í viðtali sem tekið var við hann í blaðinu fyrr í vikunni. Grein Sveins fer hér á eftir:

Auðlindastýring og fyrningarleið ríkisstjórnarinnar í sjávarútvegi er inntak málþings sem haldið verður í Vestmannaeyjum þann 4. júní næstkomandi. Þar tala fulltrúar hinna ýmsu greina sjávarútvegsins ásamt sjávarútvegsráðherra og fleirum. Það eru Vestmannaeyjabær, Þekkingarsetur Vestmannaeyja, Atvinnuþróunarsjóður og tímaritið Sjávarútvegurinn sem standa að málþinginu.

Okkar saga er mjög svipuð sögu meirihluta sjávarútvegsfyrirtækja í kringum okkur á Snæfellsnesi og einnig víðar á landinu. Okkar réttlætiskennd er því verulega misboðið að hlusta á umræðu um að öll sjávarútvegsfyrirtæki séu sögð hafa braskað með veiðiheimildir, hlutabréf og fleira sem mjög margir tóku ekki þátt í. Svo segir í grein útgerðarfjölskyldu frá Rifi sem birtist í Morgunblaðinu fyrir skömmu.

Adolf Guðmundsson, framkvæmdastjóri Gullbergs ehf. á Seyðisfirði og formaður Landssambands íslenskra útvegsmanna, fékk fyrir stuttu afhent Hvatningarverðlaun Þróunarfélags Austurlands, sem nú voru veitt í níunda sinn frá upphafi. Tilgangur verðlaunanna er að heiðra þann aðila sem að mati dómnefndar félagsins er best að slíkri viðurkenningu komin, fyrir vel unnin störf í þágu fyrirtækja eða stofnana á Austurlandi og/eða hafi verið öðrum í atvinnulífi á Austurlandi sérstök hvatning eða fyrirmynd.

Friðrik J. Arngrímsson, framkvæmdastjóri Landssambands íslenskra útvegsmanna, veltir því fyrir sér í grein í Fréttablaðinu í dag hvort fiskimálastjóri Evrópusambandsins, Joe Borg, sé að vísa til upptökuleiðar íslenskra stjórnvalda þar sem hann kallaði eftir reynslu og þekkingu Íslendinga við mótum fiskveiðistefnu ESB í grein í blaðinu í gær.

Þetta er í rauninni hreint skemmdarverk sem að verið er að vinna á sjávarútveginum með þessu tali, sagði  Einar K. Guðfinnsson, fyrrverandi sjávarútvegs- og landbúnaðarráðherra í viðtali í þættinum Auðlindin á Rás 1 í morgun. Þar gagnrýndi hann harðlega fyrirhugaða fyrningarleið stjórnvalda í sjávarútvegi og fullyrti að fréttir af þessum væntanlegu aðgerðum væru þegar farnar að hafa neikvæð áhrif.

Sveitarstjórn Grýtubakkahrepps lýsir í bókun sinni áhyggjum vegna fyrirhugaðrar fyrningarleiðar í sjávarútvegi og varar við því að hróflað verði við kvótakerfinu nema í góðri samvinnu við útgerðarmenn. Grýtubakkahreppur er tólfta sveitarfélagið sem á skömmum tíma varar í bókun við áhrifum fyrningarleiðarinnar.

Björn Dagbjartsson líkir hugmyndum íslenskra stjórnvalda um fyrningarleiðina í sjávarútvegi við stjórnarhætti Roberts Mugabe í Zimbabwe í grein sem hann skrifar í Morgunblaðið í gær. Að hugsa ekkert um það hvaða afleiðingar aðgerðirnar munu hafa. Þetta voru aðferðir Mugabe í Zimbabwe, segir Björn m.a. í greininni.

Jóhann Jónasson, framkvæmdastjóri 3X Technology, segist í samtali við Útveginn óttast að áhrif fyrningarhugmynda stjórnvalda hafi svipuð áhrif á fyrirtækið og niðurskurður aflaheimilda hafði árið 2007. Þá var það eins og við manninn mælt, salan dróst verulega saman, segir Jóhann.

Bæjarráð Fjarðabyggðar segir í bókun sem samþykkt var í dag, að mikilvægt sé að varpa ekki fyrir róða þeim árangri sem náðst hefur með gildandi stjórnkerfi fiskveiða. Þá varar ráðið í bókunni við aðgerðum sem veikt geta starfsgrundvöll sjávarútvegsins og stefnt búsetu í óvissu. Fjarðabyggð er ellefta sveitarfélagið sem á skömmum tíma sendir frá sér bókun í kjölfar þess að stjórnvöld tilkynntu um svokallaða fyrningarleið í sjávarútvegi.

Heimssýn, hreyfing sjálfstæðissinna í Evrópumálum, efnir  til opins umræðufundar á Háskólatorgi Háskóla Íslands (sal HT 101) þriðjudaginn 19. maí frá kl. 12:00-13:15. Þar verður m.a. velt upp spurningunni af hverju Norðmenn höfnuðu tvívegis aðild að ESB.

Hvað gengur manninum til? Hvernig má það vera að prófessor við Háskóla Íslands skuli koma fram með þvílíkan málflutning án þess að þurfa að byggja hann á einni einustu tilvísun í rannsóknir máli sínu til stuðnings? Verða menn ekki í slíkri stöðu að greina á milli málefnalegrar umræðu og óvildar?

Meirihluti hreppsnefndar Tálknafjarðarhrepps lýsir í bókun sinni þungum áhyggjum yfir þeirri óvissu er ríkir um fiskveiðistjórnunarkerfið. Í bókuninni eru hugmyndir um fyrningarleið og upptöku strandveiða sagðar reiðarslag fyrir útgerðar- og fiskvinnslufyrirtæki í sveitarfélaginu. 

Aflaverðmæti íslenskra skipa nam tæpum 16 milljörðum króna á fyrstu tveimur mánuðum ársins 2009 samanborið við 12,1 milljarð á sama tímabili 2008. Aflaverðmæti hefur því aukist um 3,8 milljarða eða 31,5% á milli ára.  Þetta kemur fram í frétt frá Hagstofu Íslands í morgun.

Meirihluti bæjarráðs Seyðisfjarðarkaupstaðar lýsir yfir þungum áhyggjum vegna þeirrar miklu óvissu sem skapast um fiskveiðistjórnunarkerfið með hugmyndum stjórnvalda um svokallaða fyrningarleið.  Svo segir í bókun frá fundi ráðsins sem haldinn var sl. miðvikudag.

Jón Bjarnason, nýskipaður sjávarútvegs- og landbúnaðrráðherra, var gestur á stjórnarfundi LÍÚ fyrr í dag. Útvegsmenn buðu hann velkominn til starfa og árnuðu honum velfarnaðar í embættisverkum sínum. Ráðherra var jafnframt hvattur til þess að beita áhrifum sínum til þess að horfið verði frá áformum stjórnvalda um svokallaða fyrningarleið í sjávarútvegi.

Bara það að svona yfirlýsingar séu settar í stjórnarsáttmála rikisstjórnar hefur strax þau áhrif að menn í greininni draga saman seglin, fara varlega í allar fjárfestingar sem fyrirhugaðar voru. Óvissa tekur við af öryggi, segir Eiríkur Tómasson, framkvæmdastjóri Þorbjarnar hf. í Grindavík og varaformaður LÍÚ. Hann líkir fyrningarhugmyndum í sjávarútvegi við ofbeldisaðgerðir í viðtali við Fiskifréttir í dag.

Með því að gera svo víðtækar breytingar á atvinnugrein sem er jafn mikilvæg og sjávarútvegur er ríkisstjórnin að setja þessa atvinnugrein í mikla óvissu og enn og aftur á að gera það á kostnað landsbyggðarinnar. Svo segir í ítarlegri bókun bæjarráðs Ölfuss, sem samþykkt var fyrr í dag.

Heildarafli íslenskra skipa nam 94.828 tonnum tonnum í apríl, sem er verulegur aflasamdráttur frá sama mánuði í fyrra er aflinn var 130.871 tonn.  Rétt eins og í mars vegur þyngst í heildarmyndinni að engin loðnuveiði var í apríl. Metinn á föstu verði var aflinn 16,3% minni í apríl í ár en í fyrra. Það sem af er ári hefur heildarafli hins vegar aukist um 7.8% frá árinu 2008 á föstu verði.

Bæjarstjórn Grundarfjarðar varar við áhrifum fyrningarleiðarinnar í sjávarútvegi í bókun sem hún samþykkti í gær. Með bókuninni bætist Grundarfjörður í vaxandi hóp annarra sveitarfélaga sem lýsa áhyggjum sínum yfir umræddum hugmyndum.

Aukin samvinna á milli einstakra rannsóknarstofnana og fræðasetra og efling trausts á milli þeirra og atvinnugreinarinnar í heild var á meðal þess sem kom fram á vel heppnaðri og fjölsóttri ráðstefnu í Vestmannaeyjum fyrir helgina. Ráðstefnan bar yfirskriftina Þátttaka atvinnulífsins í rannsóknum og nýsköpun í sjávarútvegi og var skipulögð af Þekkingarsetri Vestmannaeyja í samvinnu við fjölda aðila.

Það er nóg að þurfa að glíma við gæftir, aflabrest og stærð fiskistofna, segir m.a. í bókun hreppsnefndar Langanesbyggðar, sem hún sendi frá sér fyrr í dag. Í bókuninni segir m.a. að fyrirhuguð fyrningarleið í sjávarútvegi ógni búsetuskilyrðum á svæðinu.

Jón Bjarnason, nýskipaður sjávarútvegsráðherra, boðar víðtækt samráð um endurskoðun sjávarútvegsstefnunnar með það að markmiði að ná góðri sátt um sjálfbærar veiðar og trygga atvinnu fólks í sjávarbyggðunum. Þetta kom fram í hádegisfréttum ríkisútvaprsins. Þar vildi ráðherra ekki slá neinu föstu um innköllun aflaheimilda.

Stjórn Samtaka fiskvinnslustöðva leggst eindregið gegn öllum tillögum og hugmyndum um fyrningarleið í sjávarútvegi eins og hún hefur verið kynnt í samstarfsyfirlýsingu þeirra flokka sem nú skipa ríkisstjórn Íslands. Afstaða SF kemur fram í ályktun sem samtökin sendu frá sér í dag.

Verðmæti útfluttra sjávarafurða nam 171,3 milljörðum króna á síðasta ári og jókst um 34,3% frá árinu áður. Mæld á föstu verði dróst framleiðsla  saman um 1,5%. Heildarverðmæti framleiðslu til útflutnings nam hins vegar 181 milljarði króna. Þetta kemur fram í frétt Hagstofu Íslands um útgáfu ritsins Útflutningur og útflutningsframleiðsla sjávarafurða 2008. Skýrsluna má nálgast hér.

Byggðaráð Sveitarfélagsins Skagafjarðar lýsir í ályktun sinni, sem send var út um helgina, þungum áhyggjum yfir þeirri óvissu sem nú ríkir um fiskveiðistjórnunarkerfið og hvetur stjórnvöld til að standa vörð um stöðu og framtíð sjávarbyggðanna.

Bæjarstjórn Vestmannaeyja varar sterklega við svokallaðri fyrningarleið í sjávarútvegi og telur hana beina aðför að atvinnulífi Vestmannaeyja og þar með að byggð í Eyjum. Bæjarstjórn hafnar því harðlega að þessi boðaða fyrningarleið nýrrar ríkisstjórnar verði farin. Svo segir í ítarlegri ályktun sem bæjarstjórn Vestmannaeyja hefur sent frá sér.

Samtök atvinnulífsins skora á Samfylkinguna og Vinstri hreyfinguna - grænt framboð að hverfa frá öllum hugmyndum um upptöku og uppboð aflaheimilda sjávarútvegsfyrirtækja. Það er mikilvægt að stöðugleiki ríki í rekstrarumhverfi sjávarútvegsfyrirtækja eins og annarra fyrirtækja.

Sveitarstjórn Grímseyjarhepps mótmælir harðlega fyrirhugaðri fyrningarleið stjórnvalda á veiðiheimildum. Þetta er sú alversta hugmynd sem komið hefur fram í sjávarútvegsstefnu okkar Íslendinga segir í bréfi hreppsins til sjávarútvegsráðherra.

Áður en farið verður í að hrófla við núverandi fiskveiðistjórnunarkerfi þarf að fara vandlega yfir það hvaða afleiðingar breytingarnar hafi á hag þeirra sem lifa og starfa í sjávarútvegi segir m.a. í bókun bæjarstjórnar Snæfellsbæjar. 

Útvegsmenn á Vestfjörðum afhentu síðdegis í dag áskorun til bæjarstjórnar Ísafjarðar, þar sem skorað er á hana að beita áhrifum sínum til þess að koma í veg fyrir að hugmyndir um svokallaða fyrningarleið í sjávarútvegi nái fram að ganga.

Bæjaryfirvöld í Grindavík samþykktu í gær bókun á fundi bæjarráðs þar sem því er harðlega hafnað að farin verði það sem nefnt hefur verið fyrningarleið í sjávarútvegi, sem sé lífæðin og grundvallaratvinnugrein byggðarinnar.  Meirihluti bæjarstjórnar Grindavíkur, sem öll sat fund bæjarráðs í gær, er skipaður fulltrúum Samfylkingar og Framsóknarflokks.

Fjölmenni var á ráðstefnu, sem boðað var til í Den Haag í Hollandi fyrir skömmu á vegum Efnahags- og framfarastofnunar Evrópu, OECD og Matvæla- og landbúnaðarstofnunar Sameinuðu þjóðanna, FAO, í samvinnu við hollensk stjórnvöld. Ráðstefnan markar upphaf þriggja ára ferlis, þar sem farið verður ofan í saumana á því hver áhrif umhverfismerkinga eru í sjávarútvegi.

Evrópusambandið gæti lært af reynslu Íslendinga og Nýsjálendinga þegar kemur að stjórnun fiskveiða. Þetta kemur fram í grein í nýjasta hefti tímaritsins The Economist, þar sem fjallað um nýútkomna Grænbók um hina sameiginlegu fiskveiðistefnu ESB.

Hugmyndir um upptöku aflaheimilda og að setja þær á uppboð eru ógn við íslenskan sjávarútveg. Uppboðsleiðin var reynd í byggingastarfsemi í Grafarholti á árunum 1999-2002 með hörmulegum afleiðingum. Hún grefur undan íslenskum sjávarútvegi, segir Friðrik J. Arngrímsson, framkvæmdastjóri LÍÚ.

Fulltrúar allra skosku stjórnmálaflokkanna á Evrópuþinginu, að skoska þjóðarflokknum undanskildum, greiddu því atkvæði sitt í fyrri viku að flytja mætti óveiddan kvóta skoskra fiskiskipa til annarra aðildarlanda ESB. Ian Hudghton, formaður skoska þjóðarflokksins, er æfur yfir niðurstöðunum.

Á fundi Úrskurðarnefndar sjómanna og útvegsmanna var ákveðið að hækka verð á slægðri ýsu, sem ráðstafað er til eigin vinnslu eða seld til skyldra aðila, um 10%. Verð á óslægðri ýsu var hækkað um 17% . Ákveðið var að hækka verð á karfa um 13%. Verð þetta gildir frá og með 1. maí 2009.

Tilhugsunin um aðild að Evrópusambandinu er notaleg trygging þegar illa árar. Þegar eyjarskeggjar standa frammi fyrir skilmálum aðildar og gjaldinu sem greiða þarf fyrir gæti svo farið að þeir hrökkluðust til baka. Þannig lýkur grein í vefútgáfu Financial Times í gær. Þar er  fjallað um stöðu Íslands gagnvart ESB eftir  nýafstaðnar alþingiskosningar.

Ísland hefur þekkst boð frá ESB, Færeyjum og Noregi um að taka þátt í fundi um stjórn makrílveiða sem haldinn verður í London 29.-30. júní n.k. Í frétt frá sjávarútvegs- og landbúnaðarráðuneytinu í dag kemur fram að Ísland hafi boðið hinum strandríkjunum til fundar í Reykjavík fyrr í þessum mánuði en að því boði hafi ekki verið svarað.

Ekkert strandríkjanna sem eiga aðild að samningum um stjórn makrílveiða í NA-Atlantshafi lét svo lítið sem að svara boði sjávarútvegsráðuneytisins um að sækja fyrirhugaðan fund hér á landi dagana 17. og 18. apríl sl. Þar var markmiðið að reyna að leysa úr deilum ríkjanna.

Þekkingarsetur Vestmannaeyja, í samvinnu við fjölmarga aðila á landinu stendur fyrir ráðstefnu undir yfirskriftinni Þátttaka atvinnulífsins í rannsóknum og nýsköpun í sjávarútvegi í Vestmannaeyjum föstudaginn 8. maí 2009 frá kl. 9 -16. 

Eigið fé íslenskra sjávarútvegsfyrirtækja í árslok 2007 var 110 milljarðar eða 25,3%. Þetta kemur fram í ritinu Hagur fiskveiða og fiskvinnslu árið 2007 sem Hagstofa Íslands hefur gefið út.  Niðurstöður efnahagsreiknings sýna að heildareignir sjávarútvegsins í voru 435 milljarðar króna en heildarskuldir 325 milljarðar króna.

Sjómenn eiga að njóta slysatryggingaverndar almannatrygginga á ferðum sínum á vegum útgerða frá heimilum sínum. Þetta er niðurstaða dóms í máli Hraðfrystistöðvar Þórshafnar gegn Tryggingastofnun ríkisins. Dómur var kveðinn upp þann 20. mars sl.

Framkvæmdastjórn Evrópusambandsins kemst að því í svokallaðri Grænbók um hina sameiginlegu sjávarútvegsstsefnu sambandsins að reglan um hlutfallslegan stöðugleika (e. relative stability) tryggi ekki lengur að fiskveiðiréttindi haldist hjá viðkomandi veiðiþjóð. Grænbókin var formlega kynnt á miðvikudag.

Það stoðar lítt þótt þessum hugmyndum sé pakkað inn í umbúðir réttlætis og jöfnuðar. Í gegnum umbúðirnar skín, að þetta er hrein og klár eignaupptaka, segir í grein Sigurðar Sverrissonar, upplýsinga- og kynningasrfulltrúa LÍÚ, í Fiskifréttum í vikunni. Greinin ber yfirskriftina Upptaka aflaheimilda réttlæti í nafni hverra?

Útgerðarfélagið Dala-Rafn ehf. í Vestmannaeyjum fékk í Héraðsdómi Reykjavíkur í dag dæmdar 2,3 milljónir króna með vöxtum í bætur vegna þess að sannað þótti að ólögmæt háttsemi olíufélaganna hafi valdið útgerðinni tjóni.

Umræðan um þessar upptökuhugmyndir í sjávarútvegi var ofarlega í huga manna á aðalfundinum hjá okkur, segir Gísli Jónatansson, framkvæmdastjóri Loðnuvinnslunnar á Fáskrúðsfurði, en aðalfundur fyrirtækisins var haldinn fyrir helgina. 

Guðmundur Smári Guðmundsson, framkvæmdastjóri Guðmundar Runólfssonar hf. í Grundarfirði, er vægast sagt ósáttur við þær hugmyndir að taka árlega 5% aflaheimilda af sjávarútvegsfyrirtækjum. Hann telur að verði þessar hugmyndir að veruleika séu þær til marks um skipbrot heilbrigðrar skynsemi.

Upptaka framseljanlegra aflaheimilda er ein þeirra leiða sem Evrópusambandið horfir nú til í því augnamiði að koma böndum á hina sameiginlegu sjávarútvegsstefnu þess. Þetta kemur fram í í svonefndri grænbók ESB um sjávarútvegsstefnu sambandsins sem kynnt verður á morgun og vefur BBC greinir frá í dag.

Það sýður á mönnum vegna þessa 5% landsbyggðarskatts, sem við köllum þær fyrningarhugmyndir aflaheimilda sem Samfylkingin og VG hafa verið að boða þannig að ég reikna með fjölmenni á fundinn í kvöld, segir Ólafur Rögnvaldsson, framkvæmdastjóri Hraðfrystihúss Hellissands hf. og formaður Útvegsmannafélags Snæfellsness. Félagið hefur í samvinnu við Snæfell, félag smábátaeigenda á Snæfellsnesi, boðað til fundar með fulltrúum allra flokka í félagsheimilinu Klifi í Ólafsvík kl. 20 í kvöld.

Steingrímur J. Sigfússon, sjávarútvegs- og landbúnaðarráðherra, hefur óskað eftir því við Útveginn að birt verði athugasemd hans við frétt frá 13. apríl sl., þar sem vitnað var í viðtal við Sigurgeir Brynjar Kristgeirsson, framkvæmdastjóra Vinnslustöðvarinnar, í blaðinu Fréttum í Vestmannaeyjum. Athugasemd ráðherra fer hér á eftir í heild.

Steingrímur J. Sigfússon, sjávarútvegs- og landbúnaðarráðherra, og Þorsteinn Gunnarsson, rektor Háskólans á Akureyri, undirrituðu  í gær samning um stofnun Sjávarútvegsmiðstöðvar á Akureyri.

Kynningarbæklingur um íslenskan sjávarútveg, sem LÍÚ gaf út fyrir stuttu, er nú einnig aðgengilegur í A4 broti, sem hentar vel fyrir þá sem vilja prenta hann út. Tengil á þessa viðbótarútgáfu er að finna undir myndinni af forsíðu bæklingsins efst í hægra dálki vefsíðunnar.

Heildarafli íslenskra skipa nam 108.612 tonnum tonnum í mars, sem er verulegur aflasamdráttur frá sama mánuði í fyrra er aflinn var 169.690 tonn.  Þar vegur þyngst að engin loðnuveiði var í mars en botnfisksafli var hins vegar tæplega 10% meiri en í mars 2008.

Ég satt að segja trúi því ekki að stjórnvöld umturni núverandi kerfi með þeim hætti sem hér hefur verið rætt um. Það væri skömminni til skárra að ríkið hirti 5% af hlutafé eigenda fyrirtækjanna á ári þangað til þau væru að fullu komin í ríkiseigu, segir Pétur H. Pálsson, framkvæmdastjóri Vísis í Grindavík, í viðtali við Fiskifréttir í dag.

Það stendur ekki til að gera neitt í þessum efnum af okkar hálfu án þess að hafa þar útvegsmenn og sjómenn við borðið, segir Steingrímur J. Sigfússon, sjávarútvegsráðherra. Hann segir að segir að breytingar á fiskveiðistjórnun verði ekki gerðar án þess að hlusta á sjónarmið þessara aðila og taka eftir atvikum tillit til þeirra.

Sigurgeir Brynjar Kristgeirsson, framkvæmdastjóri Vinnslustöðvarinnar í Vestmannaeyjum, segist óttast skelfilegar og ófyrirséðar afleiðingar fyrningar aflaheimilda. Hann telur fyrningarleiðina hvetja til þess að langtímahugsun í rekstri verði varpað fyrir róða. Vinnslustöðin er leiðandi fyrirtæki í humarveiðum og -vinnslu.

Norska sjávarútvegsráðuneytið hefur tekið einhliða ákvörðun um að norskum skipum verði heimilt að veiða 70.000 tonnum meira af makríl á þessu ári en á síðasta ári. Heildarkvóti Norðmanna er því 190.802 tonn í ár en var 120.450 tonn í fyrra.

Íslensk stjórnvöld hafa boðið Norðmönnum, Færeyingum og Evrópusambandinu til fundar um miðjan þennan mánuð til að leysa úr þeim deilum sem uppi eru á meðal strandríkja um framtíðarstjórnun makrílveiða í NA-Atlantshafi. Þetta kemur fram í frétt frá sjávarútvegsráðuneytinu.

Landssamband íslenskra útvegsmanna auglýsir styrk til framhaldsnáms í fiskifræði, sjávarvistfræði, sjávarlíffræði, fiskalífeðlisfræði, haffræði, veiðarfærafræði og skyldum greinum.

LÍÚ hefur gefið út bækling um íslenskan sjávarútveg. Þar er að finna stutta samantekt um þjóðhagslegt gildi sjávarútvegs fyrir íslenskt samfélag og ýmsar tölfræðilegar staðreyndir um sjávarútveg á Íslandi.

Ég fæ ekki betur séð en að rústa eigi öllum þeim árangri sem náðst hefur í íslenskum sjávarútvegi með þessum tillögum Samfylkingarinnar í sjávarútvegsmálum, segir Guðrún Lárusdóttir, útgerðarkona hjá Stálskipum í Hafnarfirði, í viðtali við Útveginn. Hún lýsir vonbrigðum með þá fljótaskrift sem henni finnst einkenna stefnumótun flokksins í þessum málaflokki.

Tveir breskir sjómenn, feðgar, hafa verið dæmdir til fangelsisvistar fyrir að landa umframafla fremur en að kasta honum í sjóinn eins og reglur hinnar sameiginlegu fiskveiðistefnu Evrópusambandsins kveða á um. Brot feðganna var fest á filmu í þáttaröð BBC um breskan sjávarútveg.

Okkur finnst þetta fáranlegt, það er ekkert annað orð yfir þetta. Þetta er hrein og klár eignaupptaka, þjóðnýting, segir Einar Valur Kristjánsson, framkvæmdastjóri Hraðfrystihússins Gunnvarar í Hnífsdal, í viðtali við BB í dag um hugmyndir um fyrningu aflaheimilda um 5% á ári.  

Norðmenn standa nú frammi fyrir þeirri sérkennilegu stöðu að afraksturinn af þróunaraðstoð þeirra í Víetnam um langt árabil er farinn að ógna markaðsstöðu norsks sjávarútvegs í Evrópu.

Landssamband íslenskra útvegsmanna skorar á banka og sparisjóði í landinu að taka frumkvæði til bjargar heimilum og atvinnulífi og lækka nú þegar vexti umtalsvert. Stýrivaxtalækkun Seðlabanka Íslands í gær bendir ekki til þess að peningastefnunefnd, sem sérstaklega var skipuð, sé í nægilegum tengslum við þann raunveruleika sem við þjóðinni blasir.

Brúttóskuldir íslenskra sjávarútvegsfyrirtækja voru 300,3 milljarðar króna í lok ársins 2007. Heildarskuldir íslenskra fyrirtækja námu á sama tíma 15.685 milljörðum króna samkvæmt frétt Morgunblaðsins í gær, sem byggir á upplýsingum frá ríkisskattstjóra. Samkvæmt þessu voru skuldir sjávarútvegsins innan við 2% af heildarskuldum allra fyrirtækja í árslok 2007.

Samtök framleiðenda uppsjávarfisks í Danmörku líta svo á að Norðmenn séu ekki í neinni aðstöðu til að kvarta undan makrílveiðum Íslendinga. Christian Olsen, talsmaður samtakanna, segir í samtali við Fishing News International, að bæði Norðmenn og Færeyingar hafi úthlutað sér viðbótarkvótum í makríl.

Erlendir fjölmiðlar hafa fjallað nokkuð um íslenskt merki um ábyrgar fiskveiðar Íslendinga, sem kynnt var fyrir fullum sal gesta á sjávarútvegssýningunni í Boston fyrr í vikunni.  Almenna merkið var fyrst kynnt á Íslensku sjávarútvegssýningunni í byrjun október. Það merki er án vottunar, en vísar til íslensks uppruna og yfirlýsingar um ábyrgar fiskveiðar. 

Réttur okkur til þessara veiða er óskoraður og það er ekki við okkur að sakast þótt við þurfum að setja veiðiheimildir einhliða. Ósk okkar um að fá að koma að stjórn veiða úr makrílstofninum í NA-Atlantshafi hefur ítrekað verið hafnað. Í því ljósi eru þetta óskiljanlegar kvartanir Norðmanna, segir Friðrik J. Arngrímsson, framkvæmdastjóri LÍÚ.

Umfangsmikilli loðnuleit hafrannsóknaskipa og fiskiskipa er nú lokið án þess að loðnukvóti væri gefinn út. Ekki náðist að mæla þau 400 þúsund tonn sem miðað er við sem grundvöll til útgáfu aflamarks. Þetta er í fyrsta sinn frá veiðitímabilinu 1982/1983 sem ekki hefur verið gefinn út loðnukvóti.

Heildarafli íslenskra skipa nam 99.648 tonnum í nýliðnum febrúar og var tæplega 16% meiri í tonnum talið en í sama mánuði árið 2008 þegar hann var 85.808 tonn. Sé aflinn metinn á föstu verði var hann 27% meiri í febrúar 2009 en í sama mánuði árið áður.

Ég hef engar áhyggjur af sölu afurðanna. Við erum búnir að komast með kjötið okkar inn á markaðinn og ég er þess fullviss að það verður vandalaust að selja það, segir Kristján Loftsson, forstjóri Hvals hf., í viðtali við Fiskifréttir. Undirbúningur fyrir komandi hvalvertíð er kominn á fulla ferð. Áætlað er að hefja veiðar í byrjun júní.

Steingrímur J. Sigfússon, sjávarútvegs- og landbúnaðarráðherra, undirritaði í dag reglugerð um makrílveiðar íslenskra skipa á þessu ári. Miðað er við að heildarafli á árinu fari ekki yfir 112.000 tonn, þar af 20.000 tonn á alþjóðlegu hafsvæði utan lögsögu ríkja. Fari aflinn yfir þetta magn mun ráðherra ákveða hvort gripið skuli til veiðibanns eða takmarkana. Þetta er svipað magn og veiddist í fyrra.

Sigurður Sverrisson, upplýsinga- og kynningarfulltrúi LÍÚ, segir það rangt hjá Gísla Víkingssyni, sérfræðingi hjá Hafrannsóknastofnuninni, að vísað hafi verið til þess í frétt á vef LÍÚ að útreikningar á heildaráti hrefnu á þorski og ýsu hafi komið frá stofnuninni. Sigurður birti í Morgunblaðinu í dag svargrein við athugasemd Gísla.

Þeir sem hyggja á hrefnuveiðar á komandi vertíð þurfa að uppfylla þau skilyrði, að a.m.k. einn úr áhöfn hafi reynslu af hrefnuveiðum. Þá skulu skyttur sem annist veiðar og aflífun dýra hafa sótt námskeið í meðferð skutulbyssna og sprengiskutlna og í aflífunaraðferðum við hvalveiðar. Auk þessa skal skytta hafa fullnægjandi skotvopnaleyfi.

Niðurstöður vísindamanna við háskólann í Gautaborg benda eindregið til þess að fiskneysla stuðli að bættum námsárangri táningspilta. Könnun sænsku vísindamannanna er hin fyrsta í heiminum sem einvörðungu tekur tillit til áhrifs fiskneyslu á þennan tiltekna þjóðfélagshóp.

Niðurstöður hrefnurannsókna Hafrannsóknastofnunarinnar á árunum 2003-2007 benda til þess hrefnan éti árlega allt að 300.000 tonn af þorski og ýsu. Það er fimmfalt meira magn en eldri rannsóknir hafa leitt í ljós. Til samanburðar má nefna að heildaraflamark þorsks og ýsu á yfirstandandi fiskveiðiári er um 250.000 tonn.

Sjávarútvegurinn skilar þjóðarbúinu mestu þegar hann getur nýtt tiltæka markaði eins og best verður á kosið hverju sinni. Þetta er einmitt mjög mikilvægt núna þegar efnahagsástand á helstu markaðssvæðum okkar er erfitt og aðstæður hafa farið hratt versnandi, skrifar Sveinn Hjörtur Hjartarson, hagfræðingur LÍÚ, í grein í Fiskifréttum í dag sem ber yfirskriftina Boð og bönn eru þjóðinni í óhag.

Við megum ekki undir neinum kringumstæðum draga úr því öryggi sem þyrlurnar veita okkur, segir Friðrik J. Arngrímsson, framkvæmdastjóri LÍÚ og lýsir áhyggjum sínum yfir þeim áhrifum sem niðurskurður ríkisútgjalda hefur á starfsemi Landhelgisgæslunnar.

Tæp níu ár voru liðin frá því íslenskt fiskiskip landaði síðast í Grimsby þegar Sturla GK 12 seldi afla sinn þar í gær. 

Á fundi Úrskurðarnefndar sjómanna og útvegsmanna í dag, 2. mars, var ákveðið að lækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 15%. Verð á slægðri og óslægðri ýsu var lækkað um 10% . Verð á karfa var ákveðið óbreytt. Verð þetta gildir frá og með 1. mars 2009.

Það eru einhver ár frá því íslenskt fiskiskip landaði þarna síðast, segir Eiríkur Tómasson, framkvæmdastjóri Þorbjarnar hf. í Grindavík, en skip félagsins, Sturla GK 12, seldi í dag 65 tonn af blönduðum afla á fiskmarkaði í Grimsby. Meðalverðið var 264 kr. á kíló.

Hvenær kaupir maður þorsk og hvenær kaupir maður ekki þorsk? Fréttamaður vefsíðunnar IntraFish veltir þessari spurningu upp í vikunni og gagnrýnir þekkt umhverfissamtök fyrir misvísandi upplýsingar.

Það hafa engin störf tapast í fiskvinnslu vegna hvalveiða okkar. Að halda slíku fram er oftúlkun á innihaldi bréfs bresku Waitrose-verslanakeðjunnar til íslenskra stjórnvalda, segir Friðrik J. Arngrímsson, framkvæmdastjóri LÍÚ.  

Ný gulldeplumið eru fundin djúpt suður af Vestmannaeyjum. Sjö skip eru nú þar á veiðum. Öll fengu þau einhvern afla í gær en bræla og leiðindaveður er á svæðinu og því ekki hægt að kasta í morgun. Guðmundur Guðmundsson, skipstjóri á Hugin VE, sagði í samtali við Útveginn að menn vonuðust til að úr rættist með veður þannig að hægt væri að hefja veiðarnar á ný.

Kjarasamningur Sjómannafélags Íslands og Landssambands íslenskra útvegsmanna hefur verið samþykktur með 75,8% greiddra atkvæða. Andvígir samningnum voru 23% en 1,2% seðla voru auðir. Áður höfðu VM félag vélstjóra og málmtæknimanna, Farmanna- og fiskimannasamband Íslands og Sjómannasamband Íslands samþykkt kjarasamninga við LÍÚ.

Útflutningsverðmæti gulldepluafurða eru nú orðið um 800 milljónir króna að mati Stefáns Friðrikssonar, aðstoðarframkvæmdastjóra Vinnslustöðvarinnar í Vestmannaeyjum. Stefán telur að reikna megi með 25-26 þúsund krónum fyrir tonnið af útfluttum afurðum en fiskurinn er unninn í mjöl og lýsi.

Þrír útflytjendur laxaafurða í Noregi hafa höfðað mál á hendur framkvæmdastjórn Evrópusambandsins og krefjast þess að þeim verði endurgreiddar sem svarar 200 millj. ísl. króna vegna sérstaks jöfnunargjalds sem þeir þurftu að greiða.

Joe Borg, fiskimálastjóri Evrópusambandsins, var þungorður í garð hinnar sameiginlegu sjávarútvegsstefnu sambandsins í ræðu sem hann flutti á opnum fundi sjávarútvegsnefndar Evrópuþingsins fyrir skömmu. Ofveiðinni verður að linna, sagði hann m.a. og bætti við að gera þyrfti grundvallarbreytingar á stefnunni svo stunda mætti sjávarútveg innan ESB með sjálfbærum hætti.

Kjarasamningur Farmanna- og fiskimannasambands Íslands og Landssambands íslenskra útvegsmanna hefur verið samþykktur með 86,8% greiddra atkvæða. Talningu atkvæða lauk í morgun.

Sú ákvörðun World Wildlife Fund, WWF, að halda Norðursjávarþorski á svokölluðum  rauðum lista hefur valdið misskilningi á meðal kaupenda sjávarafurða, neytenda og stjórnmálamanna. Sjávarútvegsvefurinn IntraFish hefur þetta eftir heimildarmönnum innan atvinnugreinarinnar í Þýskalandi.

Evrópusambandið getur breytt löggjöf á sviði fiskimála að vild með auknum meirihluta, sagði Stefán Már Stefánsson, prófessor í lögfræði við Háskóla Íslands, í hádegisverðarerindi á vegum Lögfræðingafélags Íslands í vikunni. Erindi Stefáns bar yfirskriftina Eru fiskveiðireglur Evrópusambandsins andstæðar hagsmunum Íslands?

Steingrímur J. Sigfússson, sjávarútvegsráðherra, tilkynnti á blaðamannafundi nú fyrir stundu að ákvörðun forvera hans um hvalveiðar stæði óbreytt fyrir yfirstandandi ár. Hann setti hins vegar fyrirvara um veiðarnar næstu fjögur ár og sagði öll tvímæli tekin af um að hvalveiðimenn geti ekki gengið að því sem vísu að ákvörðun forvera hans stæði hvað það varðaði.

Ragnar Árnason, hagfræðiprófessor við Háskóla Íslands, segir í viðtali við The Scotsman fyrrir stuttu að með aðild að Evrópusambandinu myndi eignarhald í sjávarútvegi líklega smám saman færast í hendur útlendinga. Í greininni kemur fram að íslenskur sjávarútvegur og örlög hans yrði úrslitavaldur kæmi til aðildarviðræðna Íslands og Evrópusambandsins.

Djúpstæður ágreiningur er nú sprottinn upp á milli framleiðenda laxafurða í Alaska og vottunarfyrirtækisins Marine Stewardship Council, MSC. Í frétt á IntraFish fyrir helgina er látið að því liggja að ef ekki takist sættir í málinu muni vottun MSC á laxaafurðum frá Alaska heyra sögunni til síðar á þessu ári.

Kristján Loftsson, framkvæmdastjóri Hvals hf., segir að þær tölur sem nefndar voru á Alþingi í vikunni um flutningskostnað á 82 tonnum af frystum hvalaafurðum með flugi til Japans séu fráleitar og úr öllu samhengi við raunveruleikann.

Heildarafli íslenskra skipa nam 70.852 tonnum í nýliðnum janúar og var tæplega 8% minni en í sama mánuði árið 2007 er hann var 76.891 tonn. Sé aflinn metinn á föstu verði var hann 33% meiri í janúar 2009 en í sama mánuði árið áður.

Stóraukinn innflutningur Evrópusambandsins á eldisfiskinum Pangasius frá Víetnam er þegar farinn að ógna hefðbundnum mörkuðum sjávarafurða að mati forvígismanna í norskum sjávarútvegi. Þetta kom fram á IntraFish-vefnum í vikunni. Norðmenn búast við því að stutt sé í að þessi fiskur verði til sölu í kæliborðum norskra verslana.

Norðmenn ætla á næstunni að verja sem svarar 340 milljónum ísl. króna til markaðsstarfs á þorski. Þessi markaðsherferð er samstarfsverkefni norskra stjórnvalda og samtaka í norskum sjávarútvegi að því er segir í frétt frá IntraFish í gær. Stutt er síðan skýrt var frá því á þessum vettvangi að norsk stjórnvöld hefðu ákveðið að stórauka lán og ábyrgðir til fyrirtækja í norskum sjávarútvegi.

Gísli Víkingsson, hvalasérfræðingur hjá Hafrannsóknastofnuninni, setur fyrirvara við þau vinnubrögð samtaka á borð við IUGN (International Union for Conservation of Nature) að setja t.d. alla langreyðarstofna undir einn og sama hatt. Þetta er í grundvallaratriðum sambærilegt við að friða hreindýr á Íslandi vegna þess að hreindýrastofninn í Kanada væri illa á sig kominn, segir Gísli í viðtali við Fiskifréttir í dag.

Dönsk útgerðarfyrirtæki juku á síðasta ári aflaverðmæti sitt um á þriðja milljarð íslenskra króna með því að hafa kvótaskipti við aðrar útgerðir innan Evrópusambandsins. Þetta er haft eftir danska ráðherranum Evu Kjær Hansen i FiskeribladetFiskaren í gær en matvælaframleiðsla heyrir undir ráðuneyti hennar.

Ekki náðist samstaða  um að draga úr karfaveiðum á Reykjaneshrygg á þessu ári eins og fulltrúar Íslands lögðu til á samráðsfundi sem lauk í London fyrr í dag. Auk fulltrúa Íslands sátu fundinn fulltrúar Færeyja, Grænlands, Evrópusambandsins, Noregs og Rússlands.

Alls hafa 36 þingmenn skrifað undir þingsályktunartillögu um að veiðum á hrefnu og langreyði hér við land skuli haldið áfram, veiðileyfi gefin út til næstu fimm ára og að árlegur leyfilegur heildarafli verði eins og kveðið er á um í veiðiráðgjöf Hafrannsóknastofnunarinnar. Tillagan var lögð fram á Alþingi fyrir stundu. Hana má sjá í heild sinni hér.

Steingrímur J. Sigfússon, sjávarútvegs- og landbúnaðarráðherra, gaf síðdegis í gær út 15.000 tonna rannsóknarkvóta til loðnuskipa en enn hefur ekki tekist að mæla þau 400.000 tonn af loðnu sem samkvæmt aflareglu þarf að skilja eftir til hrygningar ár hvert. Fjögur veiðiskip aðstoða nú Hafrannsóknastofnunina við loðnuleit.

Ef menn halda að þetta hvalamál sé erfitt fyrir mig geta menn hætt að hafa áhyggjur af því. Það eru smámunir  í samanburði við það sem við stöndum nú frammi fyrir sem þjóð. Ég hef mikinn áhuga á því að við leysum þetta mál á farsælan hátt. Það er nóg annað að þvælast fyrir okkur, sagði Steingrímur J. Sigfússon, nýskipaður sjávarútvegsráðherra á borgarafundi um hvalveiðimál á Akranesi í gærkvöld.

Íslenskum fiskiskipum  fækkaði um 43,5% á árunum 2003 2008 samkvæmt samantekt hagfræðings LÍÚ. Alls voru skráð fiskiskip 1356 talsins fiskveiðiárið 2003/2004. Þeim hafði fækkað niður í 767 fiskveiðiárið 2007/2008. Fækkunin nemur 589 skipum.

Fjórir fulltrúar Evrópuskrifstofu Þrændalaga (Trøndelags Europakontor) heimsóttu skrifstofur LÍÚ í morgun til þess að kynna sér afstöðu útvegsmanna til Evrópusambandsins.

Viðvörunarljósin gegn aðild Íslands að Evrópusambandinu loga skært. Ímyndið ykkur stöðu ykkar innan ESB ef sambandið ákvæði einn daginn að nýta fiskistofnana ykkar í þágu aðildarríkjanna allra. Hugmyndir ykkar um fullveldisrétt myndu þá reynast léttvægar. Þar er reynsla Íra frá því í síðustu viku gott dæmi,  segir  Daniel Hannan, þingmaður breska Íhaldsflokksins á Evrópuþinginu, í samtali við Útveginn.

Samanburður á fjórum mismunandi vísitölum frá janúar 2001 til janúar 2009 leiðir í ljós að þróun OMX 15 hlutabréfavísitölunnar hefur leikið lykilhlutverk í þeirri þenslu sem einkenndi íslenskt efnahagslíf frá síðustu aldamótum fram að bankahruninuí haust. Þetta er þvert á skoðanir þeirra sem hafa haldið því fram að rót efnahagsvandans megi rekja til frjáls framsals aflaheimilda.

Samkvæmt fjölstofnalíkani Hafrannsóknastofnunarinnar gæti afrakstur þorskstofnsins orðið um 20% minni en ella njóti hvalastofnar algerrar friðunar. Hvalastofnar við Íslandsstrendur eru eru nú taldir nálægt upprunalegri stærð. Sérfræðingar stofnunarinnar leggja til að hvalveiðar séu stundaðar með sjálfbærum hætti og hvalastofnum haldið í 70% af hámarksstærð.

Tveir þriðju hlutar landsmanna eru hlynntir hvalveiðum í atvinnuskyni. Þetta er niðurstaða skoðanakönnunar sem Capacent Gallup vann fyrir Sjávarnytjar um helgina. Spurt var: Ertu hlynntur því eða andvígur að Íslendingar stundi hvalveiðar í atvinnuskyni?

Á fundi Úrskurðarnefndar sjómanna og útvegsmanna í dag, 2. febrúar, var ákveðið að lækka verð á slægðum og óslægðum þorski, sem ráðstafað er til eigin vinnslu eða seldur til skyldra aðila, um 10%. Verð á slægðri og óslægðri ýsu var lækkað um 5%. Verð á karfa var ákveðið óbreytt. Verð þetta gildir frá og með 1. febrúar 2009.

Skoskir sjómenn og forvígisimenn samtaka þeirra bíða þess nú í ofvæni að Ísland gerist aðili að Evrópusambandinu. Þannig vonast þeir til að Íslandsmið opnist hugsanlega fyrir þeim að nýju. Þetta kemur fram í frétt The Press and Journal í Aberdeen á laugardag.

Bandaríska blaðið Christian Science Monitor, sem gefið er út í Boston, veltir því upp í grein í vikunni hvort áhugi Íslendinga á aðild að Evrópusambandinu muni reynast banabiti íslensks sjávarútvegs. Greinin ber yfirskriftina Will EU lifeline sink Iceland's fishing industry.

Sigmundur Davíð Gunnlaugsson, formaður Framsóknarflokksins, lýsti því yfir í fréttaskýringaþættinum Kastljósi í gærkvöld að ólíklegt væri að flokkurinn styddi hugmyndir Samfylkingar og VG um að afturkalla reglugerð um hvalveiðar. Ég geri ráð fyrir því að þingflokkurinn ... greiði atkvæði gegn því að þetta verði afturkallað, sagði hann.

Stefán Ásmundsson, skrifstofustjóri alþjóðaskrifstofu sjávarútvegs- og landbúnaðarráðuneytisins, segir í viðtali við Fiskifréttir í gær að kæmi til aðildar að Evrópusambandinu yrði mikilvægt að ná sátt um veiðar úr deilistofnum. Þessir stofnar eru um 30% aflaverðmætis íslenskra skipa. Stefán hefur um langt skeið verið aðalsamningamaður Íslands í viðræðum við aðrar þjóðir um deilistofna.

Með gerbreyttu fjölmiðlamynstri og síaukinni netnotkun hefur vef- og bloggsíðum íslenskra fiskiskipa fjölgað ört á síðustu árum. Margar þeirra eru mjög lifandi og gefa glögga mynd af lífinu um borð, hvað er veitt og hvað menn eru almennt að fást við. Þannig greindu skipverjar á Faxa RE 9 í gær frá stærsta kolmunna sem þeir höfðu veitt. Listi yfir tenglana á skipin er undir Tenglar í veftrénu hér til vinstri en einnig má nálgast þá hér.

Um 20 manna hópur þingmanna norska Stórþingsins sótti höfuðstöðvar LÍÚ heim í morgun. Heimsóknin var hluti af dagskrá þingmannanna í ferð þeirra til Íslands. Inge Lønning, þingmaður Hægriflokksins og forseti neðri deildar Stórþingsins, hafði enda á orði að lærdómsríkt væri að upplifa það umrót sem nú ríkti í íslensku þjóðlífi. Við gætum ekki hafa tímasett ferð okkar betur hvað þetta varðar, sagði hann.

Landssamband íslenskra útvegsmanna fagnar þeirri ákvörðun Einars K. Guðfinnssonar, sjávarútvegs- og landbúnaðarráðherra, að heimila hvalveiðar í atvinnuskyni í sumar. LÍÚ hefur ítrekað hvatt til þess undanfarin ár að hvalveiðar í atvinnuskyni verði hafnar á ný.

Norsk stjórnvöld hafa ákveðið að stórauka framlög ríkisins til lána og ábyrgða í gegnum norska nýsköpunarsjóðinn, Innovation Norge. Þessar aðgerðir eru liður í brýnni áætlun til þess að styrkja stöðu norskra sjávarútvegs- og fiskeldisfyrirtækja og ábyrgjast greiðslur á afurðum þeirra á erlendum mörkuðum. Aðgerðirnar voru kynntar af Helgu Petersen, sjávarútvegsráðherra Noregs, í gær.

Samgönguráðuneytið hefur kveðið upp úrskurð þar sem hnekkt er ákvörðun mönnunarnefndar skipa í máli Keilis ehf. frá því sl. sumar. Þar hafnaði nefndin beiðni útgerðarinnar um að sami maður fengi að gegna stöðu skipstjóra og vélstjóra eins og verið hafði frá árinu 2004. Málinu hefur verið vísað til nefndarinnar að nýju.

Friðrik J. Arngrímsson, framkvæmdastjóri LÍÚ, segir að eftir yfirlýsingar forstjóra Hafrannsóknastofnunarinnar sé vanhæfi hans algert til að koma að veiðiráðgjöf næstu ára í þorski. Friðrik segir einsýnt að ráðherra þurfi að kalla eftir mati óháðra vísindamanna á mælingum og ráðgjöf Hafrannsóknastofnunarinnar á næstu árum komi forstjórinn þar að málum. Þetta kemur fram í grein sem framkvæmdastjóri LÍÚ skrifar í Fiskifréttir í dag.

Heildaraflaverðmæti íslenskra fiskiskipa nam 79,7 milljörðum króna fyrstu tíu mánuði nýliðins árs. Á sama tíma árið áður, þ.e. janúar-október 2007, var verðmætið 68,9 milljarðar króna. Verðmætaaukningin er 15,6% á milli ára. Í október nam verðmæti aflans 9,3 milljarðar en var 6,1 milljarður í sama mánuði árið 2007.

Haraldur Benediktsson, formaður Bændasamtaka Íslands, segir í leiðara Bændablaðsins þann 13. janúar sl. að afstaða samtakanna til Evrópusambandsins byggi á reynslu og staðreyndum, ekki vonum og væntingum sem alltof mikið er reynt að halda á lofti. Haraldur varar við undanlátssemi í umræðunni um ESB.

Nýr kjarasamningur sjómanna og útvegsmanna var undirritaður í húsakynnum ríkissáttasemjara í dag um franlegingu á kjarasamningi aðila. Samningurinn tekur annars vegar til Sjómannafélags Íslands og hins vegar Landssambands íslenskra útvegsmanna og Samtaka atvinnulífsins.

Neðansjávarmyndir Erlendar Bogasonar kafara hafa vakið verðskuldaða athygli þeirra sem skoðað hafa Útveginn, fréttavef LÍÚ, að undanförnu. Þessar myndir Erlendar birtust fyrst í ársskýrslu LÍÚ í októberlok en hann hefur nú veitt góðfúslegt leyfi til að nota þær á þessum vettvangi. Erlendur á mikið myndasafn úr djúpunum og það sem birtist hér að ofan er aðeins lítið brot þess.

Einar K. Guðfinnsson sjávarútvegs- og landbúnaðarráðherra hefur í dag gefið út reglugerð þar sem hámarksafli í þorski er aukinn um 30 þúsund tonn. Heildaraflamark verður því 160 þúsund tonn á yfirstandandi fiskveiðiári, í stað 130 þúsund tonna sem áður hafði verið ákveðið. Þetta kemur fram í fréttatilkynningu frá sjávarútvegs- og landbúnaðarráðuneytinu.

Stjórn Landssambands íslenskra útvegsmanna, LÍÚ, fagnar þeirri ákvörðun Einars K. Guðfinnssonar, sjávarútvegs- og landbúnaðarráðherra, að auka heildaraflamark í þorski á yfirstandandi fiskveiðiári um 30.000 tonn.

Heildarafli íslenskra skipa nam 85.774 tonnum í nýliðnum desember og var 9,5% meiri en í sama mánuði árið 2007 er hann var 78.329 tonn. Sé aflinn metinn á föstu verði var hann 10% meiri í desember 2008 en í sama mánuði árið áður. Metinn á föstu verði dróst heildarafli ársins 2008 hins vegar saman um 2,6% miðað við árið 2007.

Nýlokið er löndun á 650 tonnum af gulldeplu úr Hugin VE 55 í Vestmannaeyjum. Aflinn veiddist á Grindavíkurdjúpi. Gulldeplan finnst nú í stórum torfum suður af landinu. Þetta er mjög smár fiskur, tæpur helmingur af lengd loðnu eða 5-6 sm. Stærstu fiskarnir eru ekki nema sjö sentimetrar. Við höfum kallað þetta kreppukóð í gríni, sagði Páll Guðmundsson, framkvæmdastjóri Hugins, í samtali við Útveginn.

Sjávarútvegsráðuneytið hefur auglýst úthlutun aflaheimilda fyrir árið 2009 úr stofni Austur-Atlantshafs bláuggatúnfisks. Útgerðir, sem hafa áhuga á að taka þátt í þessum veiðum, skulu sækja um veiðiheimildir til sjávarútvegs- og landbúnaðarráðuneytisins fyrir 31. janúar 2009.

Menn verða að vera raunsæir. Þeir mega ekki vekja falsvonir um að unnt sé að ganga í Evrópusambandið án þess að afsala sér forræðinu yfir sjávarauðlindinni. Það er skilyrðið fyrir inngöngu. Ég tel óhugsandi að við fengjum varanlegar undanþágur frá nokkrum þeim atriðum sem máli skipta, sagði Friðrik J. Arngrímsson, framkvæmdastjóri LÍÚ, í viðtali við Fiskifréttir fyrir helgina.

Húsfyllir, á annað hundrað manns, var á fundi um sjávarútveginn og Evrópusambandið í Þjóðminjasafninu í gær. Aðalræðumaður fundarins var Peter Ørebech, þjóðréttarfræðingur við Háskólann í Tromsö í Noregi. Hann er sérfræðingur í EES rétti, sjávarútvegsmálum og reglum ESB. 

Nýr tengill, Evrópusambandið, hefur verið settur inn á á vefsíðu LÍÚ. Tengillinn er neðst til vinstri í röð tengla á forsíðu. Þessum efnisþætti er ætlað að svara kalli tímans en umræða um hugsanlega aðild að Evrópusambandinu er nú mjög fyrirferðarmikil í íslensku samfélagi. Þarna er að finna afstöðu LÍÚ til Evrópusambandsins, fróðlegar skýrslur og samantektir,efni frá LÍÚ, ræður og áhugaverðar greinar. Nýju efni verður bætt inn jafnt og þétt.

Nýgerður kjarasamningur Sjómannasambands Íslands og Landssambands íslenskra útvegsmanna var samþykktur með afgerandi meirihluta atkvæða innan SSÍ.

Hvöttu eigendur stóru viðskiptabankanna starfsfólk sitt vísvitandi til þess að selja útflutningsatvinnuvegunum og lífeyrissjóðum í landinu gjaldeyrisskiptasamninga, þar sem staða var tekin með með krónunni? Unnu þeir svo sjálfir að því að fella gengi krónunnar með verulegum hagnaði og vógu þannig að sjávarútvegsfyrirtækjum, lífeyrissjóðunum og íslensku þjóðinni um leið?

Heimssýn gengst fyrir opnum fundi í Þjóðminjasafninu kl. 15 á sunnudag, 11. janúar nk., undir yfirskriftinni Sjávarútvegurinn og ESB. Á meðal ræðumanna er Peter Ørebech, þjóðréttarfræðingur við Háskólann í Tromsö í Noregi. Hann er sérfræðingur í EES rétti, sjávarútvegsmálum og reglum ESB. 

Friðrik J. Arngrímsson, framkvæmdastjóri LÍÚ, segir í samtali við Útveginn að það sé engin nýlunda að íslensk sjávarútvegsfyrirtæki skuldi erlendum aðilum fjármuni enda hafi þau verið fjármögnuð með erlendu lánsfé í meira en hundrað ár.  Jón forseti RE 108, fyrsti togarinn sem smíðaður var fyrir okkur Íslendinga og kom til landsins 1907, var fjármagnaður með erlendu lánsfé og svo hefur verið alla tíð síðan, segir Friðrik.

Eiríkur Tómasson, varaformaður LÍÚ, sagði á fjölmennum fundi auðlindahóps Evrópunefndar Sjálfstæðisflokksins í hádeginu í dag, að ljóst væri að ekki væri hægt að treysta því að ekki yrði hróflað við reglunni um hlutfallslegan stöðugleika, einni meginreglu hinnar sameiginlegu sjávarútvegsstefnu Evrópusambandsins.

Gerðist Ísland aðili að Evrópusambandinu flyttist forræði á stjórn veiða úr deilistofnum frá Íslandi til ESB. Veiðar úr deilistofnum nema um 30% aflatekna af íslenskum sjávarafurðum. Til deilistofna teljast m.a. úthafskarfi, loðna, norsk-íslensk síld, kolmunni, makríll og grálúða. Þetta kom fram í ræðu Friðriks J. Arngrímssonar, framkvæmdastjóra LÍÚ, í ræðu á fundi auðlindahóps Evrópunefndar Sjálfstæðisflokksins nýlega.

Hafrannsóknarskipið Árni Friðriksson er farið til loðnuleitar ásamt þremur fiskiskipum; Berki (mynd t.v.), Lundey og Faxa. Loðnuleitin að þessu sinni markar ákveðin tímamót því í fiskiskipunum er nú búnaður sem hefur verið kvarðaður í samræmi við búnað rannsóknarskipsins þannig að samvörun sé á milli mælinga.

Framseljanlegar aflaheimildir eru lausnin á vanda sjávarútvegsstefnu Evrópusambandsins. Fiskveiðistjórnun á Íslandi er til eftirbreytni á sama tíma og sjávarútvegsstefna ESB með öllum sínum ríkisstyrkjum hefur beðið algert skipbrot. Sú stefna er ein meginástæða þess að Noregur og Ísland, sem bæði láta sér annt um hafið, hafa hvorugt gengið í Evrópusambandið.  Þetta er megininntak ítarlegrar umfjöllunar í tímaritinu The Economist nú um áramótin