Fréttir

Megin skýringar á miklu verri afkomu miðað við sama tíma á árinu 2002 eru áfram lægra afurðaverð og sterkari króna. Verð á sjófrystum afurðum hefur farið lækkandi sérstaklega ýsu og ufsa. Aukin áhersla er á vinnslu á ferskum fiski til að mæta aukinni samkeppni á mörkuðum. Hlutfallslega hærri rekstargjöld skýrast af hærra olíuverði og mikilli hækkun á hafnargjöldum.

Samtök sjómanna og útvegsmanna sendu frá sér í dag sameiginlega yfirlýsingu þar sem framkomnu frumvarpi um línuívilnun er harðlega mótmælt.

Sjávarútvegsráðuneytið hefur gefið út bæklinginn Sjávarútvegurinn í tölum (Icelandic Fisheries in Figures). Í honum er að finna margvíslegan tölfræðilegan fróðleik um íslenskan sjávarútveg.

Hagstofa Íslands hefur nú lokið úrvinnslu úr ársreikningum 207 sjávarútvegsfyrirtækja fyrir árið 2002. Helstu niðurstöður eru: Hagnaður fyrir afskriftir, fjármagnskostnað og tekju- og eignarskatta (verg hlutdeild fjármagns eða EBITDA) sem hlutfall af heildartekjum sjávarútvegsins lækkaði milli áranna 2001 og 2002. Í fiskveiðum og vinnslu lækkaði þetta hlutfall (án milliviðskipta) úr 30% í 21½%. Í fiskveiðum lækkaði hlutfallið úr 24½% árið 2001 í 23½% af tekjum árið 2002 en í fiskvinnslu lækkaði hlutfallið úr 19½% árið 2001 í 8% árið 2001.

Yfir 170 manns sátu ráðstefnu Útvegsmannafélags Norðurlands sl. föstudag, en ráðstefnan bar yfirskriftina "Sjávarútvegur á Norðurlandi, staða, ógnanir og tækifæri". Á ráðstefnunni fluttu forystumenn í sjávarútvegi á Norðurlandi erindi, en einnig fluttu ávörp fulltrúar sveitarstjórna og verkalýðshreyfingar. Í lok ráðstefnunnar fóru fram pallborðsumræður og svöruðu þátttakendur spurningum ráðstefnugesta.

Ekki náðist samkomulag um veiðar á kolmunna og norsk-íslenskri síld á ársfundi Norðaustur-Atlantshafsfiskveiðinefndarinnar, NEAFC, en fundinum lauk sl. föstudag. Tillögur Íslands á fundinum um breytingar á veiðum á úthafskarfa voru ekki samþykktar, en þær voru í samræmi við ráðgjöf Alþjóðahafrannsóknaráðsins, ICES. Sjávarútvegsráðuneytið sendi frá sér meðfylgjandi fréttatilkynningu eftir fundinn.  

Opin ráðstefna á vegum Útvegsmannafélags Norðurlands í matsal Útgerðarfélags Akureyringa hf. föstudaginn 21. nóvember kl. 13.30. Allir velkomnir.

Úrskurðarnefnd sjómanna og útvegsmanna komst að samkomulagi í dag um að frá og með 12. nóvember næstkomandi hækki viðmiðunarverð á þorski um 5%, en viðmiðunarverð á karfa og ýsu lækki um 10%.

Sá ágreiningur og deilur sem sífellt er viðhaldið af stjórnarandstöðunni hafa valdið því að fjöldi einstaklinga í útgerð hefur gefist upp og selt veiðirétt sinn. Aðgerðir sem stjórnvöld hafa gripið til með byggðakvótum; undanþágu frá raunverulegri stjórnun fiskveiða -þar sem smábátum hefur leyfst að margfalda afla sem þeim er ætlaður; kvótum til áframeldis og nú ; hugmyndum um línuívilnun, hafa valdið óvissu um framtíðina og orðið til þess að menn hafa kosið að yfirgefa atvinnugreinina. Þeir sem hæst tala um óæskilega samþjöppun veiðiheimilda á færri hendur hafa öðrum fremur stuðlað að þessari hröðu þróun, sagði Kristján Ragnarsson, fráfarandi formaður Landssambands íslenskra útvegsmanna m.a. í ræðu sinni á aðalfundi LÍÚ.

Ræða Kristjáns er birt í heild hér.

Björgólfur Jóhannsson, framkvæmdastjóri Síldarvinnslunnar hf. var kjörinn formaður Landssambands íslenskra útvegsmanna á aðalfundi samtakanna sem lauk í dag.

Verður haldinn á Grand Hótel Reykjavík,  fimmtudaginn 30. október og föstudaginn 31. október nk.  Fundurinn hefst kl. 14:00 þann 30. október.

Þann 9.10.2003 var kveðinn upp í Hæstarétti Íslands dómur í máli sem Sjómannasamband Íslands höfðaði á hendur LÍÚ. Sjómannasamband Íslands gerði kröfu um hnekkt yrði ákvæði um heimild útgerða og áhafna til að gera samning um að þegar tæknibúnaður er settur um borð í fiskiskip eða hagræðing á sér stað sem leiðir til fækkunar í áhöfn, skiptist ávinningur af því til helminga á milli áhafnar og útgerðar. LÍÚ var sýknað af kröfum Sjómannasambands Íslands.

Fundi Íslendinga, Norðmanna, Færeyinga, Rússlands og Evrópusambandsins um stjórnun veiða úr norsk-íslenska síldarstofninum lauk í Reykjavík miðvikudaginn 8. október án samkomulags. Var ástæðan sú að Norðmenn héldu til streitu kröfu sinni um stóraukna hlutdeild í veiðunum, sem þýtt hefði verulega minni aflaheimildir annarra strandríkja.

Næstkomandi mánudag, 13. október, stendur Heimssýn, hreyfing sjálfstæðissinna í Evrópumálum, fyrir málþingi í Norræna húsinu þar sem fjallað verður um kosti og galla upptöku evru sem gjaldmiðils.

Landssamband íslenskra útvegsmanna óskar eftir tilnefningum til umhverfisverðlauna LÍÚ árið 2003. Öll starfandi fyrirtæki í sjávarútvegi sem eiga skip og eru félagsmenn innan LÍÚ koma til greina sem handhafar verðlaunanna.

Svonefnd línuívilnun hefur verið mjög til umræðu í fjölmiðlum að undanförnu og hafa talsmenn hennar, þ.e. þeir sem vilja að fyrirtækjum í sjávarútvegi verði mismunað með slíkum hætti, m.a. haldið því fram að sú aðgerð sé til þess fallin að styrkja byggð á Vestfjörðum. Ég fullyrði slík mismunun mun ekki hafa þau áhrif, heldur gagnstæð.

Á þessari vefslóð - Gjaldskrár hafna - má skoða yfirlit um gjaldskrár einstakra hafna eftir breytingar 1. júlí síðastliðinn. Útgerðir eru hvattar til þess óska eftir  langtímasamningi við hafnirnar og knýja á um lægri gjaldskrá fyrir notkun á höfnum.

Niðurstaða úr uppgjörum þeirra 12 sjávarútvegsfyrirtækja, sem eru skráð á aðal- og vaxtarlista Kauphallar Íslands fyrir fyrstu 6 mánuði ársins 2003 samanborðið við sama tímabil á árinu 2002.

Þann 3. september var kveðinn upp fiskverðsúrskurður í máli Haraldar Böðvarssonar hf. gegn áhöfnum Sturlaugs H. Böðvarssonar AK-10 og Haraldar Böðvarssonar AK-12. 

Umframveiði sóknardagabáta var gríðarleg á síðasta fiskveiðiári, eða ríflega sexfalt meiri en viðmiðun þeirra gerði ráð fyrir, samkvæmt bráðabirgðatölum frá Fiskistofu.

Mokveiði hefur verið á úthafskarfa á NAFO-svæðinu undanfarið og virðist karfinn vera á stóru svæði. Fjölmörg skip eru á veiðum á svæðinu. 

Vegna fyrirspurna sem borist hafa varðandi vísindaveiðar Íslendinga á hrefnu hefur Landssamband íslenskra útvegsmanna tekið saman texta á ensku sem veitir upplýsingar um vísindaveiðarnar.

Stjórnir Útvegsmannafélags Austurlands, Útvegsmannafélags Akraness, Útvegsmannafélags Hafnarfjarðar, Útvegsmannafélags Hornafjarðar, Útvegsmannafélags Norðurlands, Útvegsmannafélags Reykjavíkur, Útvegsmannafélags Snæfellsness, Útvegsmannafélags Suðurnesja, Útvegsmannafélags Þorlákshafnar og Útvegsbændafélags Vestmannaeyja hafa sent frá sér ályktun þar sem öllum áformum um að tekin verði upp sérstök ívilnun í kvóta til báta sem róa með línu er harðlega mótmælt.

Vísindaveiðar á hrefnu munu hefjast í þessum mánuði, en þetta er í fyrsta sinn frá árinu 1985 sem hrefna er veidd við Ísland. Þetta kom fram á blaðamannafundi sem Árni M. Mathiesen sjávarútvegssráðherra hélt í morgun. 

Stofnstærð úthafskarfa mældist aðeins tæpar 100 þúsund lestir í sameiginlegum rannsóknaleiðangri Íslendinga, Þjóðverja og Rússa sem lauk nýlega. Er það mikið áhyggjuefni ef rétt er, því núverandi mat á stærð stofnins er aðeins 5% af áætlaðri stofnstærð úthafskarfa árið 1994. Við mælinguna ofan 500 metra dýpis var beitt tveimur aðferðum, bergmálsaðferð og trollaðferð, og voru niðurstöður beggja mælinganna samhljóða.

Skrifstofa LÍÚ verður lokuð vegna sumarleyfa, frá og með mánudeginum 21. júlí til þriðjudagsins 5. ágúst.

Hægt er að ná í starfsmenn skrifstofunnar í GSM númerum þeirra, þau er að finna hér eða í símaskrá á bls. 478.

Þann 9. júlí sl. undirrituðu Sjómennt - samstarfsvettvangur Landssambands íslenskra útvegsmanna og Sjómannasambands Íslands  og Menntafélagið ehf. samning um fræðslu og starfsmenntun sjómanna.

Í gær, þriðjudaginn 8. júlí, var gengið frá samningi um stjórn veiða úr loðnustofninum milli Íslands, Grænlands og Noregs, en Ísland sagði á haustdögum upp samningi landanna frá 1998.

Sjávarútvegsráðuneytið hefur gefið út reglugerð um leyfilegan heildarafla á fiskveiðiárinu 2003/2004 og er hann sem hér segir:

Samkomulag náðist í morgun í deilu Íslands og Noregs um veiðar úr norsk-íslenska síldarstofninum á þessu ári. Samkomulagið felur í sér skipti á íslenskum veiðiheimildum gegn aðgangi Íslands að fiskveiðilögsögu Noregs.

Mun verri en í fyrra vegna hás gengis krónunnar og lækkandi afurðaverðs.

Í frétt í Morgunblaðinu þriðjudaginn 3. júní sl. er greint frá því að Páll Steingrímsson, formaður Sjómannadagsráðs Akureyrar, hafi haldið því fram í ávarpi sínu á sjómannadaginn að í tryggingamálum standi sjómenn flestum öðrum starfsstéttum langt að baki. Sannleikurinn er hins vegar sá að slysatrygging sjómanna er mun betri en almennt gildir um aðra launþega í landinu.

Á fundi sínum þann 27. maí sl. varðandi mál sem Vinnslustöðin hf., Vestmannaeyjum vísaði til Úrskurðarnefndar sjómanna og útvegsmanna um fiskverð til áhafnar Jóns Vídalíns ÁR-1. úrkurðaði nefndin 6% lækkun á karfa og 15% verðlækkun á ýsu frá viðmiðunarverðum Veðlagsstofu skiptaverðs. Úrskurðurinn tekur gildi frá og með 9. maí síðastliðinn fyrir Jón Vídalín ÁR 1. Þorskverð var úrskurðað óbreytt. Úrskurðurinn.

Ráðstefna á vegum Rannsóknarstofnunar fiskiðnaðarins, um rannsóknir á nýtingu sjávarfangs verður haldinn dagana 11. - 14. júní nk. á Grand Hótel Reykjavík.

Á aðalfundi Landssambands íslenskra útvegsmanna á síðasta ári lýsti Kristján Ragnarsson formaður samtakanna því yfir að hann myndi ekki gefa kosta á sér til endurkjörs á aðalfundi 2003.

Sigurður Líndal, fyrrverandi prófessor við lagadeild Háskóla Íslands, segir að framkvæmdastjóri Brims hf. hafi verið í fullum rétti að tjá starfsfólki fyrirtækisins skoðanir sínar á afleiðingum þess, ef stefna stjórnarandstöðuflokkanna næði fram að ganga í komandi alþingiskosningum. Byggir Sigurður þetta álit sitt á tjáningarfrelsisákvæði stjórnarskrárinnar. Þetta kemur fram í lögfræðiálisi sem Sigurður gaf að beiðni LÍÚ.

Upptaka sóknardagakerfis mundi rústa hagkvæmni veiðanna og skaða mjög efnahag sjávarútvegsins og þar með lífskjör almennings í landinu. Hafa kjósendur áhuga á því?

Heimilt er að hefja síldveiðar 5. maí 2003. Á tímabilinu 5. maí til 31. desember 2003 er íslenskum skipum heimilt að veiða samtals 110.334 lestir af norsk-íslenskri síld.

Í dag 30. apríl kl. 12:15 heldur Heimssýn Hreyfing sjálfstæðissinna í Evrópumálum fund á Grand Hótel Reykjavík. Yfirskrift fundarins er Evran eða krónan? Er það álitlegur kostur að taka upp evru á Íslandi.

Forseti Íslands, hr. Ólafur Ragnar Grímsson, veitti Samherja hf. Útflutningsverðlaun forseta Íslands við hátíðlega athöfn á Bessastöðum þann 22. apríl sl.

Davíð Oddsson, forsætisráðherra upplýsti á fundi á Akureyri þann 14. apríl sl. að hægt verði að auka þorskkvótann um 30 þúsund tonn við næstu ákvörðun í vor.Þetta eru ánægjuleg tíðindi og sýnir að þær skerðingar sem útvegsmenn hafa tekið á sig til að efla þorskstofninn hafa skilað áranagri.

Vegna mikillar lækkunar á ýsu á fiskmörkuðum undanfarna mánuði samþykkti úrskurðarnefnd sjómanna og útvegsmanna að lækka verð á ýsu um 10 % í úrskurði milli áhafna á skipum Vísis hf. í Grindavík og fyrirtækisins. Úrskurðurinn tekur gildi miðað við 17. mars sl. Úrksurðurinn var að öðru leyti óbreyttur frá fyrri úrskurði frá því í febrúar en því að að úrskurðað var eitt verð fyrir steinbít fyrir allt landið, 85.-kr.kg.

Landssamband íslenskra útvegsmanna auglýsir styrk til framhaldsnáms í fiskifræði, sjávarvistfræði eða sjávarlíffræði.

AVS rannsóknasjóður í sjávarútvegi auglýsir eftir umsóknum um styrki til verkefna í fiskeldi. Styrkirnir verða veittir verkefnum sem snerta einstaka þætti fiskeldis.

Sjávarútvegsráðuneytið hefur breytt reglugerð um möskvastærð í þorskanetum sem gefin var út í upphafi þessa mánaðar og heimilað notkun neta með stærri möskva en 9 tommu til 1. maí nk. í stað 1. apríl. Þessa breytingu gerði ráðuneytið að ósk Landssambands íslenskra útvegsmanna.

Frá 1. maí nk. verður síðan heimilt að nota þorskanet með 9 tommu möskva til 1. maí 2004, en samkvæmt eldri reglugerð var miðað við 1. janúar 2004. Þá verður hámarksstærð möskva 8 tommur og verður heimilt að nota þann möskva til 1. janúar árið 2005, þegar hámarksstærðin verður 7 ½ tomma.

Jón B. Stefánsson hefur verið ráðinn framkvæmdastjóri Menntafélagsins ehf. og skólameistari Stýrimannaskólans í Reykjavík og Vélskóla Íslands. Jón mun taka við starfi framkvæmdastjóra Menntafélagsins í byrjun apríl nk. en skólastjórn við upphaf næsta skólaárs.

Stefna framkvæmdastjóra Samtaka iðnaðarins er skýr, hann vill ganga lengra í eignaupptökunni en Samfylkingin. Ekki verður vel ráðið hver skoðun hagfræðingsins er, þó ýmsum sýnist hann á sömu skoðun og Samfylkingin. Því spyrja útvegsmenn, er eignaupptökustefna Samfylkingarinnar stefna Samtaka iðnaðarins?

Reglugerð um friðun hrygningarþorsks og skarkola á vetrarvertíð 2003.

Siglingastofnun Íslands getur heimilað að fiskiskip sem skráð er á íslenska skipaskrá sé skráð þurrleiguskráningu á erlenda skipaskrá. Þurrleiguskráning er tímabundin skráning skips, sem leigt hefur verið án áhafnar, á erlenda skipaskrá án þess að það sé afmáð af íslenskri skipaskrá.

Á fundi úrskrurðarnefndar sjómanna og útvegsmanna í gær þriðjudaginn 25. febrúar í máli, sem Vísir hf í Grindavík vísaði til nefndarinnar, var samþykkt að lækka fiskverð á þorski, ýsu og karfa um 5%.

Útvegsmenn hafa þá skýru afstöðu til aðildar Íslands að Evrópusambandinu að hún komi ekki til greina vegna þess að með aðild yrðum við að undirgangast hina sameiginlegu sjávarútvegsstefnu sambandsins.  Þessi afstaða, sem byggir á rökum og yfirveguðu mati á hagsmunum, hefur verið áréttuð í samþykktum stjórnar LÍÚ.

Föstudaginn 21. febrúar 2003 kl. 13:00 - 17:00 heldur SA opin fund á Grand Hótel Reykjavík, Gullteig um áhrif hágengis á þjóðarhag.

Í umræðunni um hækkandi gengi íslensku krónunnar hefur komið fram að fyrirhugaðar virkjunar- og álversframkvæmdir á Austurlandi og stækkun álversins á Grundartanga nemi einar og sér um 100 milljörðum króna fram til ársins 2009. Þessar fyrirhuguðu framkvæmdir eru þegar farnar að segja til sín og eru sagðar skýra að hluta hækkandi gengi krónunnar og hátt vaxtastig í landinu.

Lækkun stýrivaxta Seðlabanka Íslands um 0,5% dugar ekki til þess að bregðast við þeim vanda, sem útflutningsatvinnuvegirnir standa frammi fyrir, sem er of hátt gengi krónunnar. Vaxtastig hér á landi er það hátt miðað við helstu viðskiptalönd að 0,5% lækkun bankans á stýrivöxtum verður ekki skilin öðruvísi en svo að bankinn telji ekki ástæðu til þess að bregðast við aðsteðjandi vanda. Mun meiri vaxtalækkun, 2 til 3%, hefði þurft að koma til ef fá ætti hjól efnahagslífsins til þess að taka við sér.

Í Fiskifréttum þann 7. febrúar sl. birtist athyglisverð skoðun eftir Arnar Sigurðsson fyrrum hvalaskoðunarútgerðarmann. Í umræddri skoðun fullyrðir Arnar að þann tíma sem hann var í þessari útgerð á tímabilinu 1994 2000 hafi verið bætt við þær farþegatölur sem hann gaf Ásbirni Björgvinssyni forstöðumanni Hvalamiðstöðvarinnar á Húsavík: ..jafnvel svo þúsundum farþega skipti. segir í grein Arnars.

LÍÚ var í dag,  23. janúar 2003 sýknað í Héraðsdómi Reykjavíkur af kröfu Sjómannasambands Íslands af því að félagsmenn þess væru óbundnir af 2. og 3. grein úrskurðar gerðardóms skv. 2. gr. laga nr. 34/2001. Umrædd ákvæði varða áhrif á breytingu á fjölda í áhöfn og skiptakjör.

Stjórn LÍÚ telur kröfur ESB um stórhækkað framlag Íslendinga til þróunarsjóðs þess vegna stækkunar sambandsins óaðgengilegar. Stjórnin telur þá fjárhæð sem krafist er í engu samræmi við ávinning Íslendinga af tollfrelsinu í dag.

Það hefur minna farið fyrir því í þessari umfjöllun að í sömu könnun töldu 90% norskra útvegsmanna eða allir sem afstöðu tóku að aðild væri ekki á dagskrá ef ekki fengist sérstakt samkomulag um fiskveiðar Norðmanna.

Í reglugerð nr. 26/2000 um öryggi fiskiskipa sem eru 24 metrar að lengd og lengri er gerða krafa (sbr. 16. reglu (2)  a) um að í sérhverju skipi skuli vera fyrirmæli, sem samþykkt eru af stjórnvöldum, um viðhald björgunarbúnaðar.

Umhverfisráðuneytið hefur sett nýja reglugerð um efni sem eyða ósonlaginu (rgj. nr. 586/2002). Markmið reglugerðarinnar er að vernda ósonlagið í heiðhvolfinu með því draga með reglubundnum hætti úr notkun tiltekinna efna sem innihalda ósoneyðandi efni.

Ágreiningur málsaðila átti rætur að rekja til þess að fiskibátur sökk við Snæfellsnes. Einn skipverji var um borð og var honum bjargað yfir í annan fiskibát. Skýrði skipverjinn svo frá að bráður leki hafi komið að bátnum. Í kjölfarið krafði útgerð bátsins tryggingafélagið um greiðslu vátryggingarbóta með stoð í samningi þeirra um húftryggingu bátsins en  tryggingafélagið neitaði greiðsluskyldu.