Nr. 130/2002	Fimmtudagur - 5. desember 2002
Hagur fiskveiða og fiskvinnslu 2001

Hagstofa Íslands hefur nú lokið gerð yfirlits yfir rekstur helstu greina sjávarútvegs á árinu 2001. Við gerð þess er mest byggt á reikningum, sem 160 fyrirtæki í sjávarútvegi hafa sent Hagstofunni, og kann hún þeim bestu þakkir fyrir. Yfirlitin sýna afkoma helstu greina veiða og vinnslu sjávarafurða, þ.e. báta í nokkrum stærðarflokkum, loðnuskipa, ísfisktogara, frystitogara, botnfiskfrystingar, botnfisksöltunar, mjölvinnslu, síldarsöltunar, rækjuvinnslu, hörpudiskvinnslu og ísfiskvinnslu. Einnig eru sýnd yfirlit yfir efnahag sjávarútvegsins í heild árin 1997-2001.

Helstu niðurstöður

• Verg hlutdeild fjármagns í heildartekjum sjávarútvegsins óx milli áranna 2000 og 2001. Í fiskveiðum og –vinnslu óx hlutdeild fjármagns í tekjum (án milliviðskipta) úr 19½% í 31%. Í fiskveiðum hækkaði hlutdeildin úr 20% í 24½% af tekjum en í fiskvinnslu hækkaði hún úr 7½% árið 2000 í 19½% árið 2001.
  
• Nokkur munur mælist á afkomu sjávarútvegsins eftir því hvort hagnaður er reiknaður eftir árgreiðsluaðferð eða er reiknaður á hefðbundinn hátt miðað við gjaldfærðar afskriftir og fjármagnskostnað. Munar hér mestu um meðferð á gengistapi vegna erlendra lána fyrirtækjanna. Verð á erlendum gjaldeyri hækkaði um 18½% frá upphafi til loka árs 2001 miðað við útflutningsvog en um 20% á milli ársmeðaltala.
  
• Afkoma botnfiskveiða og -vinnslu batnaði mikið frá árinu 2000 til ársins 2001. Hreinn hagnaður botnfiskveiða, reiknaður samkvæmt árgreiðsluaðferð, jókst úr 8½% í 13% af tekjum og hagnaður botnfiskvinnslu jókst úr -½% í 16½% af tekjum. Afkomubatinn mælist ekki eins mikill ef miðað er við gjaldfærðar afskriftir og fjármagnskostnað en er engu að síður verulegur.
  
• Hagur rækjuvinnslunnar var þokkalegur á árinu 2001 og góður í hörpudiskvinnslu.
  
• Hagnaður var á rekstri mjölvinnslu og loðnuskipa á árinu 2001 eftir tvö slæm ár. Afli var mikill og verðið hækkaði mikið á árinu.
  
• Heildareignir sjávarútvegs í árslok 2001 voru 258 milljarðar króna, heildarskuldir 195 milljarðar og eigið fé 63 milljarðar. Eignir hafa aukist um 54% frá 1997, skuldir um 58% og eigið fé um 42%. Á sama tíma hefur almennt verðlag hækkað um 21%.

Hagur einstrakra greina sjávarútvegs
Eftirfarandi tafla sýnir hreinan hagnað samkvæmt árgreiðsluaðferðinni sem hlutfall af tekjum árin 1998-2001.

Tafla 1.  Hreinn hagnaður samkvæmt árgreiðsluaðferð
Hlufalli af tekjum, %	1998	1999	2000	2001
Sjávarútvegur í heild ^1, 2	3½	-1½	2½	18
Veiðar og vinnsla botnfisks ^2	3	1½	6½	19½
Veiðar	2	4	8½	13
Bátar	2	3½	8	12½
Togarar	-2	2½	3½	3
Frystiskip	6½	10	11½	17½
Botnfiskvinnsla	2	-3	-½	16½
Frysting	-½	-4½	½	18
Söltun	5½	-½	-1½	15
Veiðar og vinnsla rækju ^2	-1½	-½	-3½	8
Loðnuveiðar og -bræðsla ^2	9½	-20	-19½	17½
^1    Hér eru taldar með botnfiskveiðar og -vinnsla, rækjuveiðar og -vinnsla og loðnuveiðar og bræðsla.
^2    Miðað er við tekjur greinanna alls að frádregnum milliviðskiptum með hráefni.

Tafla 2.  Rekstraryfirlit fiskveiða 2001
Tafla 3.  Rekstraryfirlit fiskvinnslu 2001
Tafla 4.  Efnahagsyfirlit sjávarútvegsins 1997-2001
Tafla 5.  Dreifing vergrar hlutdeildar fjármagns í frystingu árið 2001
Tafla 6.  Dreifing vergrar hlutdeildar fjármagns í söltun árið 2001
Tafla 7.  Dreifing afkomu 160 fyrirtækja í úrtaki Hagstofunnar 2001
Tafla 8.  Hreinn hagnaður sjávarútvegs miðað við árgreiðsluaðferð og 6% ávöxtun

Nánari lýsing á aðferðum

________________________________________________________

Öllum eru heimil afnot af fréttatilkynningunni. Vinsamlegast getið heimildar.
Nánari upplýsingar veitir Gyða Þórðardóttir í síma 528 1122.